സൂയസ് കനാലിൽ കൂറ്റൻ കണ്ടെയ്‌നർ കപ്പലായ എവർ ഗിവൺ കുടുങ്ങിയതായിരുന്നു കഴിഞ്ഞയാഴ്ച ലോകത്തെ ഏറ്റവും വലിയ വാർത്ത. ആറു ദിവസത്തെ പരിശ്രമത്തിന് ഒടുവിലാണ് എവർഗ്രീൻ കമ്പനിയുടെ ഉടമസ്ഥതയിലുള്ള കപ്പൽ നീക്കാനായത്. എന്നാൽ പ്രതിസന്ധിയുടെ പേരിൽ സാമൂഹിക മാധ്യമങ്ങൾ വഴി അധിക്ഷേപം നേരിട്ട ഒരാളുണ്ട്, ഈജിപ്തിൽ. രാജ്യത്തെ ആദ്യ വനിതാ ഷിപ്പ് ക്യാപ്റ്റനായ മർവ എൽസെലഹ്ദർ.
മർവയാണ് എവർ ഗിവണിന്റെ ക്യാപ്റ്റൻ എന്ന വ്യാജ വാർത്ത ചില മാധ്യമങ്ങൾ പങ്കുവച്ചതോടെയാണ് പൊല്ലാപ്പുകൾ ആരംഭിച്ചത്. അറബ് ലോകത്തെ ചില പ്രധാന വെബ്‌സൈറ്റുകൾ കൂടി വാർത്ത ഏറ്റെടുത്തതോടെ ഈജിപ്തിലെ സാമൂഹിക മാധ്യമങ്ങളിൽ മർവ ഹോട്ട് ടോപികായി.
