തിരുവനന്തപുരം: പട്ടാപ്പകല് യുവാവിനെ തട്ടിക്കൊണ്ടുപോയി. തളിയില് അരശുമൂട് വച്ച് വൈകിട്ടാണ് സംഭവം. കൊഞ്ചിറവിള സ്വദേശി അനന്ദു ഗിരീഷിനെയാണ് അക്രമി സംഘം തട്ടിക്കൊണ്ടുപോയത്.
ബൈക്കില് കരമന ഭാഗത്തേക്ക് യാത്ര ചെയ്യുകയായിരുന്ന അനന്ദുവിനെ രണ്ട് പേര് ചേര്ന്ന് തട്ടിക്കൊണ്ടുപോവുകയായിരുന്നു. അനന്ദുവിന്റെ ഫോണിലേക്ക് സുഹൃത്ത് വിളിച്ചപ്പോഴാണ് തട്ടിക്കൊണ്ടുപോയെന്ന വിവരം മനസ്സിലാകുന്നത്. പിന്നീട് ഫോണ് സ്വിച്ച് ഓഫ് ആയി.
കൊഞ്ചിറവിള ക്ഷേത്ര ഉത്സവത്തിനിടെ അനന്ദുവും മറ്റൊരു സംഘവുമായി തര്ക്കമുണ്ടായിരുന്നു. ഇതാകാം കാരണമെന്നാണ് പൊലീസ് പറയുന്നത്.