തിരുവനന്തപുരം: തിരുവനന്തപുരം തമ്പാനൂർ റെയിൽവേ സ്റ്റേഷനിൽ യൂത്ത് കോൺഗ്രസ് പ്രതിഷേധം. ഷാഫി പറമ്പിലിന്റെ നേതൃത്വത്തിൽ പ്രവർത്തകർ ട്രെയിൻ തടഞ്ഞ് പ്രതിഷേധിച്ചു. സോണിയാ ഗാന്ധിയെ ഇ ഡി ചോദ്യം ചെയ്യുന്നതുമായി ബന്ധപ്പെട്ടാണ് യൂത്ത് കോൺഗ്രസിന്റെ പ്രതിഷേധം.
ഷാഫി പറമ്പിൽ, രാഹുൽ മാങ്കൂട്ടത്തിൽ, റിജിൽ മാക്കുറ്റി തുടങ്ങിയ നേതാക്കളാണ് പ്രതിഷേധത്തിൽ പങ്കെടുത്തത്. രാജധാനി എക്സ്പ്രസ്, ചെന്നൈ മെയിൽ തുടങ്ങിയ ട്രെയിനിന്റെ മുകളിൽ കയറിയും ട്രാക്കിൽ കിടന്നുമാണ് പ്രതിഷേധിച്ചത്.
പൊലീസ് ഇടപെട്ട് പിരിഞ്ഞുപോകാൻ ആവശ്യപ്പെട്ടെങ്കിങ്ങിലും പിരിഞ്ഞുപോകാൻ നേതാക്കൾ തയ്യാറായില്ല. കേരള പൊലീസും ആർ പി എഫിന്റെ സംഘവുമാണ് നേതാക്കളെ അറസ്റ്റ് ചെയ്ത് നീക്കിയത്.
