കൊല്ലം: പ്രായപൂര്ത്തിയാകാത്ത പെണ്കുട്ടിയെ പ്രണയം നടിച്ച് ലൈംഗിക അതിക്രമത്തിനിരയാക്കിയ യുവാവ് അറസ്റ്റില്. കൊല്ലം പരവൂര് പൂതക്കുളം സ്വദേശി ഹരിയെയാണ് പൊലീസ് അറസ്റ്റ് ചെയ്തത്.
ഇരുവരും സ്കൂളില് പഠിക്കുന്ന കാലം മുതല് പരിചയക്കാരായിരുന്നു. പ്രതി വിവാഹ വാഗ്ദാനം നല്കി പെണ്കുട്ടിയെ പീഡിപ്പിക്കുകയുമായിരുന്നു. പെണ്കുട്ടിയുടെ കൂട്ടുകാരിയുടെ വീട്ടില് വച്ചും, പെണ്കുട്ടിയുടെ വീടിനു സമീപമുള്ള ആളൊഴിഞ്ഞ പുരയിടത്തില് വച്ചും ഇയാള് പെണ്കുട്ടിയെ പീഡനത്തിനിരയാക്കി.
പെണ്കുട്ടിയെ വഴിയരികില് അവശനിലയില് കണ്ടെത്തിയ നാട്ടുകാര് വിവരം തിരക്കിയപ്പോള് താന് വിഷം കഴിച്ചുവെന്നും ഇപ്പോള് മരിക്കുമെന്നും പറഞ്ഞതിനെ തുടര്ന്ന് പാരിപ്പള്ളി മെഡിക്കല് കോളേജില് പ്രവേശിപ്പിച്ചു. തുടര്ന്ന് പരിശോധിച്ച ഡോക്ടറോട് താന് വിഷം കഴിച്ചതല്ല പീഡിപ്പിക്കപ്പെട്ടതാണെന്ന് പെണ്കുട്ടി വെളിപ്പെടുത്തി.
പെണ്കുട്ടിയുടെ ബന്ധുക്കള് പരാതി നല്കിയതിന്റെ അടിസ്ഥാനത്തില് ഹരിയെ പൊലീസ് അറസ്റ്റ് ചെയ്യുകയുമായിരുന്നു.