കുഴൽമന്ദം : പത്തുബോട്ടില്‍ ഹാഷിഷ് ഓയിലുമായി രണ്ട് യുവാക്കൾ പിടിയിൽ. അരലക്ഷം രൂപ വില വരുന്ന ഹാഷിഷ് ഓയിലാണ് ഇവരിൽ നിന്നും പിടികൂടിയത്. ലഹരി വിരുദ്ധ സ്ക്വാഡും കുഴല്‍മന്ദം പൊലീസും നടത്തിയ പരിശോധനയിലാണ് ഇവരെ പിടികൂടിയത്.
മലപ്പുറം വെളിയങ്കോട് നസീര്‍ (30), തൃശൂര്‍ ചാവക്കാട് തങ്ങള്‍പടി മുആഫ് (25) എന്നിവരാണ് അറസ്റ്റിലായത്. ശനിയാഴ്ച വൈകീട്ട് വെള്ളപ്പാറ ഭാഗത്ത് ഇടപാടുകാരെ കാത്തു നില്‍ക്കുമ്പോഴാണ് പ്രതികള്‍ വലയിലായത്. അഞ്ച് ഗ്രാം വീതമുള്ള പത്ത് പ്ലാസ്റ്റിക് ബോട്ടിലുകള്‍ ഇവരിൽ നിന്നും കണ്ടെടുത്തു. അഞ്ച് ഗ്രാം ഹഷീഷ് ഓയില്‍ വില്‍ക്കുന്നത് 5000 രൂപക്കാണ്. പാലക്കാട് ജില്ലയില്‍ ലഹരി എത്തിക്കുന്ന കണ്ണിയിലുള്‍പ്പെട്ടവരാണ് പ്രതികള്‍.
