കൊല്ലം: പ്രണയാഭ്യര്ഥന നിരസിച്ചതിന് പ്ലസ് ടു വിദ്യാര്ഥിനിയെ വീട്ടില് കയറി കുത്തികൊലപ്പെടുത്താന് ശ്രമിച്ച യുവാവ് അറസ്റ്റില്. കുന്നത്തൂര് സ്വദേശി അനന്തുവിനെ പൊലീസ് അറസ്റ്റ് ചെയ്തു. കൊല്ലം ശാസ്താംകോട്ടയിലാണ് കേസിനാസ്പദമായ സംഭവം.
കുത്തേറ്റ പെണ്കുട്ടി തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലാണ്. ഇന്നലെ പുലര്ച്ചെ 2 മണിയോടെയായിരുന്നു സംഭവം. വീടിന്റെ മുകളിലത്തെ വാതിലിലൂടെ വീടിനകത്ത് പ്രവേശിച്ച അനന്തു ഉറങ്ങി കിടക്കുകയായിരുന്ന പെണ്കുട്ടിയെ സ്ക്രൂ ഡ്രൈവര് കൊണ്ട് കുത്തുകയായിരുന്നു. പെണ്കുട്ടി നിലവിളിച്ചതോടെ ഇയാള് ഒടി രക്ഷപ്പെട്ടു.
അനന്തു ജോലി ചെയ്തിരുന്ന സ്വകാര്യ ബസിലാണ് പെണ്കുട്ടി സ്ഥിരമായി യാത്ര ചെയ്തിരുന്നത്. നിരന്തരമായി പെണ്കുട്ടിയോട് പ്രണയാഭ്യര്ത്ഥന നടത്തുകയും ഇത് നിരസിക്കുകയും ചെയ്താണ് അക്രമത്തിന് കാരണമെന്ന് പൊലീസ് പറയുന്നു.