ന്യൂഡല്ഹി: യാസ് ചുഴലിക്കാറ്റിനെ തുടര്ന്ന് പ്രധാനമന്ത്രി നരേന്ദ്ര മോദി ഉന്നതതല യോഗം വിളിച്ചു. ആഭ്യന്തര മന്ത്രി അമിത് ഷായും ഉന്നതതല ഉദ്യോഗസ്ഥരും യോഗത്തില് പങ്കെടുക്കും. ചുഴലിക്കാറ്റ് തീരം തൊടുന്ന ഒഡീഷ, ബംഗാള് എന്നിവിടങ്ങളിലേക്ക് സൈന്യം കൂടുതല് സംഘത്തെ നിയോഗിച്ചു.
ഈസ്റ്റ് കോസ്റ്റ് റെയില്വേ മേഖലയില് ചുഴലിക്കാറ്റ് മുന്നറിയിപ്പ് കണക്കിലെടുത്ത് 10 സ്പെഷല് ട്രെയിനുകള് റദ്ദാക്കി. നാവിക സേനയുടെ നാല് കപ്പലുകള്ക്ക് രക്ഷപ്രവര്ത്തനത്തിന് തയ്യാറായിരിക്കാന് നിര്ദ്ദേശം നല്കി.
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം ശക്തി പ്രാപിച്ച് ഇന്ന് യാസ് ചുഴലിക്കാറ്റാകും എന്നാണ് മുന്നിറിയിപ്പ്. ന്യൂനമര്ദ്ദത്തിന്റെ ഫലമായി തെക്കന് കേരളത്തില് കനത്ത മഴക്ക് സാധ്യതയുണ്ട്.