ഷവോമി റെഡ്മി 10 സ്മാര്‍ട്‌ഫോണ്‍ ഉടന്‍ ഇന്ത്യയില്‍ അവതരിപ്പിക്കും. 4 ജിബി റാം + 64 ജിബി സ്റ്റോറേജ്, 4 ജിബി റാം + 128 ജിബി സ്റ്റോറേജ്, 6 ജിബി റാം + 128 ജിബി സ്റ്റോറേജ് എന്നിങ്ങനെ 3 എഡിഷനുകളിലാണ് ആഗോള വിപണിയില്‍ റെഡ്മി 10 എത്തുന്നത്. കാര്‍ബണ്‍ ഗ്രേ, പെബിള്‍ വൈറ്റ്, സീ ബ്ലൂ എന്നിങ്ങനെ 3 നിറങ്ങളിലാവും റെഡ്മി 10 വില്‍പ്പനയ്‌ക്കെത്തുന്നത്.
ആന്‍ഡ്രോയിഡ് 11 അടിസ്ഥാനമായ എംഐയുഐ 12.5 ഓപ്പറേറ്റിംഗ് സിസ്റ്റത്തിലാണ് റെഡ്മി 10 സ്മാര്‍ട്‌ഫോണ്‍ പ്രവര്‍ത്തിക്കുന്നത്. 90 ഹേര്‍ട്‌സ് അഡാപ്റ്റീവ് ഡിസ്പ്ലേയാണ് റേറ്റും 20:9 ആസ്‌പെക്റ്റ് റേഷ്യോയുമുള്ള 6.5 ഇഞ്ച് ഫുള്‍ എച്ച്ഡി+ (1,080 x 2,400) ഡോട്ട് ഡിസ്പ്ലേയാണ് ഈ സ്മാര്‍ട്ട്‌ഫോണില്‍ നല്‍കിയിട്ടുള്ളത്. ഒക്ടാകോര്‍ മീഡിയടെക് ഹീലിയോ ജി 88 SoC പ്രോസസ്സറാണ് സ്മാര്‍ട്ട്‌ഫോണിന് മികച്ച പ്രവര്‍ത്തനക്ഷമത നല്‍കുന്നത്. 50 മെഗാപിക്‌സല്‍ പ്രൈമറി സെന്‍സറും 8 മെഗാപിക്‌സല്‍ അള്‍ട്രാ വൈഡ് ഷൂട്ടറും 2 മെഗാപിക്‌സല്‍ മാക്രോ ഷൂട്ടറും 2 മെഗാപിക്‌സല്‍ ഡെപ്ത് സെന്‍സറും ഉള്‍പ്പെടുന്ന ക്വാഡ് ക്യാമറ സംവിധാനമാണ് റെഡ്മി 10ല്‍ നല്‍കിയിരിക്കുന്നത്. മുന്‍വശത്ത് 8 മെഗാപിക്‌സല്‍ സെല്‍ഫി ക്യാമറയും ചേര്‍ത്തിട്ടുണ്ട്.
5,000 എംഎഎച്ച് ബാറ്ററി ഈ സ്മാര്‍ട്‌ഫോണിലുണ്ട്. 181ഗ്രാം ഭാരമുള്ള റെഡ്മി 10ല്‍ സൈഡ് മൗണ്ടഡ് ഫിംഗര്‍പ്രിന്റ് സെന്‍സറാണ് ഷവോമി ഉള്‍പ്പെടുത്തിയിരിക്കുന്നത്. വരാനിരിക്കുന്ന ബജറ്റ് റെഡ്മി ഫോണ്‍ മുന്‍വശത്ത് ഒരു ഡോട്ട് ഡ്രോപ്പ് നോച്ചും പിന്നില്‍ ഒരു ക്വാഡ് റിയര്‍ ക്യാമറ സംവിധാനവുമുള്ള ഒരു റെഡ്മി നോട്ട് 10 ആണ്.
