ഷവോമിയുടെ ഹോം സെക്യൂരിറ്റി ക്യാമറ ഇന്ന് മുതല്‍ വിപണിയില്‍ ലഭ്യമാവും. Mi ഹൈ സെക്യൂരിറ്റി ക്യാമറ 360 മുമ്പ് ഇന്ത്യയില്‍ അവതരിപ്പിച്ചിരുന്നു. ഇതിന്റെ തുടര്‍ച്ചയായാണ് പുതിയ സുരക്ഷാ ക്യാമറയും എത്തിയിരിക്കുന്നത്. ആര്‍ട്ടിഫിഷ്യന്‍ ഇന്റലിജന്‍സില്‍ അനക്കങ്ങള്‍ക്കനുസരിച്ച് ക്യാമറ തിരിയുന്ന സംവിധാനം, ഇന്‍ഫ്രാറെഡ് രാത്രി കാഴ്ച്ച, ടോക് ബാക്ക് എന്നിവയും സുരക്ഷാ ക്യാമറക്കുണ്ട്.
ദൃശ്യങ്ങള്‍ മൈക്രോ എസ്.ഡി കാര്‍ഡുകള്‍ (പരമാവധി 64 ജിബി) വഴിയും ക്ലൗഡ് സ്റ്റോറേജ് വഴിയും ശേഖരിച്ചുവെക്കാനുള്ള സംവിധാനം ഷവോമി ക്യാമറയിലുണ്ടാകും. പ്രതിസെക്കന്റില്‍ 20 ഫ്രെയിമായിരിക്കും റെക്കോഡ് ചെയ്യുക. രാത്രി പത്ത് മീറ്റര്‍ അകലത്തില്‍ വരെ വ്യക്തതയോടെ ദൃശ്യങ്ങള്‍ പകര്‍ത്താന്‍ ക്യാമറക്കാകും. 1,999 രൂപയാണ് ക്യാമറക്ക് ഷവോമി വിലയിട്ടിരിക്കുന്നത്.
