ദോഹ: ബാഴ്‌സലോണ ഇതിഹാസ താരവും ഖത്തര്‍ ക്ലബ്ബ് അല്‍ സാദിന്റെ പരിശീലകനായ സാവി ഹെര്‍ണാണ്ടസ് കോവിഡ്
മുക്തനായി. ഇന്‍സ്റ്റഗ്രാം പോസ്റ്റിലൂടെ സാവി തന്നെയാണ് രോഗം ഭേദമായതായി അറിയിച്ചത്.
രോഗ വിവരം അറിഞ്ഞ് സന്ദേശമയച്ചവര്‍ക്ക് നന്ദി അറിയിക്കുന്നതായും സാവി കുറിച്ചു. വീട്ടില്‍ തിരിച്ചെത്തിയെന്നും ഇപ്പോള്‍ കുടുംബത്തോടൊപ്പമാണ് താനെന്നും താരം വ്യക്തമാക്കി.
ബാഴ്‌സലോണയില്‍ നിന്നും വിരമിച്ചശേഷം ഖത്തര്‍ ക്ലബ്ബ് അല്‍ സാദിന്റെ കളിക്കാരനായിരുന്ന സാവി അതേ ടീമിനെ പരിശീലിപ്പിച്ചു വരികയായിരുന്നു. കോവിഡിന് ശേഷം നിര്‍ത്തിവെച്ച ഫുട്‌ബോള്‍ സീസണ്‍ ശനിയാഴ്ച പുനരാരംഭിക്കാനിരിക്കെയാണ് സാവിക്ക് കോവിഡ് സ്ഥിരീകരിച്ചത്.
