കോട്ടയം: പുതുപ്പള്ളി താബോർ വർഷിപ്പ് സെന്ററിലെ അന്തേവാസിയായ യുവതിയെ തോട്ടിൽ വീണു മരിച്ച നിലയിൽ കണ്ടെത്തി.
ജെസി ലൂക്കി (37)നെയാണു തോട്ടിൽ വീണ് മരിച്ച നിലയിൽ കണ്ടെത്തിയത്.
ഇന്ന് രാവിലെയാണു താബോർ വർഷിപ്പ് സെന്ററിനു പിന്നിൽ കൂടി ഒഴുകുന്ന തോട്ടിൽ മരിച്ച നിലയിൽ ജെസിയെ കണ്ടെത്തിയത്.
രാവിലെ മുതൽ ജെസിയെ കാണാനില്ലായിരുന്നു. തുടർന്നു മറ്റ് അന്തേവാസികൾ ചേർന്നു നടത്തിയ തെരച്ചിലിലാണു ജെസിയെ കണ്ടെത്തിയത്.
കോട്ടയം ഈസ്റ്റ് പോലീസ് സ്ഥലത്തെത്തി നടപടികൾ സ്വീകരിച്ചു. പോസ്റ്റുമോർട്ടത്തിനായി മൃതദേഹം കോട്ടയം മെഡിക്കൽ കോളജിലേക്ക് മാറ്റി.
കോട്ടയം ഈസ്റ്റ് സിഐ സാജു വർഗീസ്, എസ്ഐ രഞ്ജിത് കെ. വിശ്വാനാഥൻ എന്നിവർ അന്വേഷണം ആരംഭിച്ചു.