തിരുവനന്തപുരം: ലക്ഷദ്വീപ് തീരങ്ങളില് പടിഞ്ഞാറ് ദിശയില് നിന്നും മണിക്കൂറില് 35 മുതല് 45 km വേഗതയിലും ചില അവസരങ്ങളില് മണിക്കൂറില് 60km വേഗതയിലും കാറ്റടിക്കുവാന് സാധ്യതയുണ്ട്. കേരള തീരങ്ങളില് പടിഞ്ഞാറ് ദിശയില് നിന്നും മണിക്കൂറില് 35 മുതല് 45 km വേഗതയിലും ചില അവസരങ്ങളില് മണിക്കൂറില് 55km വേഗതയിലും കാറ്റടിക്കുവാന് സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
ഇതേ തുടര്ന്ന് ലക്ഷദ്വീപ് തീരങ്ങളിലും അറബി കടലിന്റെ മധ്യ ഭാഗത്തും, തെക്ക് പടിഞ്ഞാറ് ഭാഗത്തും, വടക്കു ഭാഗത്തും കടല് പ്രക്ഷുബ്ദമോ അതിപ്രക്ഷുബ്ദമോ ആകുമെന്നും മുന്നറിയിപ്പുണ്ട്. മത്സ്യത്തൊഴിലാളികള് ലക്ഷദ്വീപ് തീരങ്ങളിലും അറബി കടലിന്റെ മധ്യ ഭാഗത്തുo, തെക്ക് പടിഞ്ഞാറ് ഭാഗത്തും, വടക്കു ഭാഗത്തും മത്സ്യബന്ധത്തിന് പോകരുത്. ഈ മുന്നറിയിപ്പ് ഇന്ന് ഉച്ചക്ക് 2 മണിമുതല് അടുത്ത 24 മണിക്കൂറിലേക്ക് ബാധകമായിരിക്കും.