യുഎസ്: റഷ്യയുടെ അധിനിവേശ നീക്കത്തെ ശക്തമായി തിരിച്ചടിക്കുമെന്നും അമേരിക്ക പ്രഖ്യാപിച്ചു. റഷ്യന് പ്രസിഡന്റ് വ്ളാഡിമിര് പുടിന് യുക്രെയിനിനെതിരെ യുദ്ധം ആരംഭിക്കുകയും യുക്രെയിന് സൈനികരോട് ആയുധം വച്ച് കീഴടങ്ങാന് ആവശ്യപ്പെടുകയും ചെയ്ത നടപടിയില് അപലപിച്ച് അമേരിക്കന് പ്രസിഡന്റ് ജോ ബൈഡന്.
അന്താരാഷ്ട്ര സമൂഹം റഷ്യയെ നിലയ്ക്കുനിര്ത്തണമെന്നും ബൈഡന് ആവശ്യപ്പെട്ടു. നാറ്റോ ഒറ്റക്കെട്ടായി തിരിച്ചടിക്കും. റഷ്യയുടേത് മുന്കൂട്ടി നിശ്ചയിച്ച യുദ്ധമെന്നും ബൈഡന് ആരോപിച്ചു. വാഷിംഗ്ടണ് ഡിസിയില് നിന്ന് സ്ഥിതിഗതികള് നിരീക്ഷിച്ച് വരികയാണെന്നും തന്റെ ദേശീയ സുരക്ഷാ ടീമില് നിന്ന് പതിവായി അപ്ഡേറ്റുകള് ലഭിക്കുകയാണെന്നും ബൈഡന് പറഞ്ഞു. ജി 7 കൂടിക്കാഴ്ച ചേരും. റഷ്യക്കെതിരെ കൂടുതല് ഉപരോധങ്ങള് അമേരിക്കയും മറ്റ് സഖ്യകക്ഷികളും നടപ്പിലാക്കുന്നതിനെപ്പറ്റി പ്രഖ്യാപിക്കുന്നതിനായി ഇന്ന് രാജ്യത്തെ അഭിസംബോധന ചെയ്യുമെന്നും ബൈഡന് പറഞ്ഞു.