ഇ​ന്ത്യ​ൻ ഹൈ​ക്ക​മ്മീ​ഷ​നി​ലെ​ത്തി​യ ഭാ​ര്യ​യെ കാ​ണാ​നി​ല്ലെ​ന്ന പ​രാ​തി​യു​മാ​യി പാ​ക് യു​വാ​വ്

ഇ​സ്ലാ​മാ​ബാ​ദ്: പാക്കിസ്ഥാനിലെ ഇ​ന്ത്യ​ൻ ഹൈ​ക്ക​മ്മീ​ഷ​നി​ലെ​ത്തി​യ ഭാ​ര്യ​യെ കാ​ണാ​നി​ല്ലെ​ന്ന പ​രാ​തി​യു​മാ​യി പാ​ക്കി​സ്ഥാ​ൻ യു​വാ​വ് രംഗത്ത്. താ​ഹി​ർ അ​ലി എ​ന്ന പാക് യു​വാ​വാ​ണ് ഇ​ന്ത്യ​ക്കാ​രി​യാ​യ ന​വ​വ​ധു ഉ​സ്മ​യെ കാ​ണാ​നി​ല്ലെ​ന്ന പ​രാ​തി ഉ​ന്ന​യി​ച്ചി​രി​ക്കു​ന്ന​ത്.

എ​ട്ടു മാ​സം മു​ന്പ് മ​ലേ​ഷ്യ​യി​ൽ​ വച്ചു പരിചയപ്പെട്ട് ഇഷ്ടത്തിലായ താ​ഹി​റും ഉ​സ്മ​യും ഈ​മാ​സം തു​ട​ക്ക​ത്തി​ൽ വി​വാ​ഹി​ത​രാ​വുകയായിരുന്നു. മേ​യ് ഒ​ന്നി​ന് വാ​ഗാ അ​തി​ർ​ത്തി​യി​ലൂ​ടെ​യാ​ണ് ഉ​സ്മ പാ​ക്കി​സ്ഥാ​നി​ലെ​ത്തി​യ​ത്. മൂ​ന്നാം തി​യ​തി ഇ​രു​വ​രും പാ​ക്കി​സ്ഥാ​നി​ൽ വി​വാ​ഹി​ത​രായി.

തുടർന്ന് അ​ടു​ത്ത​ദി​വ​സം ഭാ​ര്യ​യു​ടെ ന്യൂ​ഡ​ൽ​ഹി​യി​ലെ സ​ഹോ​ദ​ര​നെ കാ​ണാ​ൻ ഇ​ന്ത്യ​ൻ വീ​സ​യ്ക്ക് അ​പേ​ക്ഷി​ക്കാ​നാ​യി​രു​ന്നു ഇ​രു​വ​രും ഹൈ​ക്ക​മ്മി​ഷ​നി​ലെ​ത്തി​യ​ത്.

ഹൈ​ക്ക​മ്മി​ഷ​നി​ലെ​ത്തി​യ ഇ​രു​വ​രു​ടെ​യും ഫോ​ണു​ക​ൾ സു​ര​ക്ഷാ ഉ​ദ്യോ​ഗ​സ്ഥ​ർ വാ​ങ്ങി​വ​ച്ചു. വീ​സ അ​പേ​ക്ഷ ന​ൽ​കി​യ ശേ​ഷം ഉ​സ്മ​യെ മാ​ത്രം ഉ​ള്ളി​ലേ​ക്ക് വി​ളി​പ്പി​ച്ചു. പി​ന്നീ​ട് യു​വ​തി തി​രി​ച്ചു​വ​ന്നി​ല്ലെന്നു യുവാവ് പറയുന്നു.

മ​ണി​ക്കൂ​റു​ക​ൾ​ക്കു ശേ​ഷം ഉ​ദ്യോ​ഗ​സ്ഥ​രോ​ട് ഉ​സ്മ​യെ​പ്പ​റ്റി തി​ര​ക്കി​യ​പ്പോ​ൾ അ​ക​ത്ത് ആ​രും ഇ​ല്ലെ​ന്നാ​യി​രു​ന്നു മ​റു​പ​ടി. വാ​ങ്ങി​വ​ച്ച മൂ​ന്നു ഫോ​ണു​ക​ൾ തി​രി​കെ​ത്ത​രാ​ൻ ആ​വ​ശ്യ​പ്പെ​ട്ട​പ്പോ​ൾ ഉ​ദ്യോ​ഗ​സ്ഥ​ർ ത​യാ​റാ​യി​ല്ല. തു​ട​ർ​ന്നു പോ​ലീ​സ് സ്റ്റേ​ഷ​നി​ലെ​ത്തി പ​രാ​തി​പ്പെ​ട്ട​താ​യി താ​ഹി​ർ പ​റ​യു​ന്നു.

ഇ​ന്ത്യ​ക്കാ​രി​യാ​യ ന​വ​വ​ധു​വി​നെ ഹൈ​ക്ക​മ്മി​ഷ​നി​ൽ​നി​ന്ന് കാ​ണാ​താ​യെ​ന്ന് പാ​ക്ക് വി​ദേ​ശ​കാ​ര്യ വ​ക്താ​വ് ന​ഫീ​സ് സ​ക്ക​റി​യ സ്ഥി​രീ​ക​രി​ച്ചു. വി​ഷ​യം ന​യ​ത​ന്ത്ര​ത​ല​ത്തി​ൽ ഉ​ന്ന​യി​ക്കാ​നാ​ണ് പാ​ക്കി​സ്ഥാ​ൻ ആ​ലോ​ചി​ക്കു​ന്ന​ത്.