തൃശ്ശൂര്: ഭര്ത്താവിനെ കൊല്ലാന് ക്വട്ടേഷന് നല്കിയ ഭാര്യ അറസ്റ്റില്. തിരൂര് സ്വദേശി സുജാതയാണ് അറസ്റ്റിലായത്. സംഭവത്തില് ഇവരുടെ കാമുകന് സുരേഷ് ബാബുവും നാലുപേരും പിടിയിലായിട്ടുണ്ട്. കഴിഞ്ഞ തിങ്കളാഴ്ചയാണ് ഭര്ത്താവ് കൃഷ്ണകുമാറിനെ കാറിടിച്ച് കൊല്ലാന് ശ്രമിച്ചത്.
സംഭവത്തില് സംശയം തോന്നിയ കൃഷ്ണകുമാര് പരാതിയുമായി പൊലീസിനെ സമീപിച്ചു. തുടര്ന്ന് നടത്തിയ അന്വേഷണത്തിലാണ് ഭാര്യ നല്കിയ ക്വട്ടേഷനാണെന്ന് മനസിലായത്. സ്വകാര്യ ബസ് ജീവനക്കാരനായ സുരേഷ് ബാബുവും കൃഷ്ണകുമാറിന്റെ ഭാര്യ സുജാതയും ഏറെ കാലമായി സൗഹൃദത്തിലായിരുന്നു. ഭര്ത്താവിനെ വകവരുത്തിയാല് തങ്ങളുടെ പ്രണയ ബന്ധം സഫലമാകുമെന്ന് കരുതിയാണ് ഇവര് നാല് ലക്ഷം രൂപയ്ക്ക് ക്വട്ടേഷന് നല്കിയത്. അപകടത്തില് കാലിന് പരിക്കേറ്റ തൃശ്ശൂര് സ്വദേശി കൃഷ്ണകുമാര് സ്വകാര്യ ആശുപത്രിയില് ചികിത്സയിലാണ്.