ദില്ലി: മെറ്റയുടെ കീഴിലുള്ള മെസേജിങ് ആപ്ലിക്കേഷനായ വാട്ട്സ്ആപ്പ് തകരാറില്. 30 മിനുട്ടില് ഏറെയായി വാട്ട്സ്ആപ്പ് സേവനങ്ങള് തടസ്സപ്പെട്ടിരിക്കുകയാണ്. ഓണ്ലൈന് സേവനങ്ങളുടെ തടസ്സം കാണിക്കുന്ന സൈറ്റായ downdetector പ്രകാരം 12.11 മുതല് പ്രശ്നം റിപ്പോര്ട്ട് ചെയ്യുന്നുണ്ട്. ഇപ്പോഴും പ്രശ്നം പരിഹരിക്കപ്പെട്ടിട്ടില്ലെന്നാണ് വിവരം. ഇതു സംബന്ധിച്ച് ഔദ്യോഗിക പ്രതികരണങ്ങൾ ഉണ്ടായിട്ടില്ല.
ഡൌണ് ഡിക്ടക്ടറിലെ കണക്കുകള് പ്രകാരം പ്രശ്നം നേരിടുന്ന 60 ശതമാനത്തിലേറെപ്പേര് സന്ദേശങ്ങള് അയക്കാന് സാധിക്കുന്നില്ല എന്നാണ് പറയുന്നത്. 24 ശതമാനത്തോളം പേര് വാട്ട്സ്ആപ്പ് ആപ്പിന് തന്നെ പ്രശ്നം ഉള്ളതായി പറയുന്നു