കഴിഞ്ഞ കുറച്ച് ദിവസങ്ങളായി വാട്‌സാപ് ഉപയോക്താക്കള്‍ക്കിടയില്‍ ഏറ്റവും കൂടുതല്‍ ചര്‍ച്ച ചെയ്യപ്പെട്ടത് മെസേജുകള്‍ അപ്രത്യക്ഷമാകുന്ന പുതിയ ഫീച്ചര്‍ തന്നെയാണ്.
വാട്‌സാപ്പിന്റെ മെസേജ് അപ്രത്യക്ഷമാകുന്ന ഫീച്ചര്‍ ഉപയോക്താക്കള്‍ക്ക് സമയപരിധി നിശ്ചയിക്കാന്‍ അനുവദിക്കുന്നതാണ്. ഇതിനുശേഷം അവര്‍ തിരഞ്ഞെടുത്ത സന്ദേശങ്ങള്‍ താനെ അപ്രത്യക്ഷമാകും. പിന്നീട് ആ മെസേജുകള്‍ എവിടെയും അവശേഷിക്കില്ല.
മെസേജിങ് ആപ്പായ ടെലിഗ്രമിലെ സെല്‍ഫ് ഡിസ്ട്രക്റ്റിങ് ടൈമര്‍ എന്ന ഫീച്ചറിന് സമാനമായ ഫീച്ചറാണ് വാട്സ് ആപ്പും അവതരിപ്പിക്കുന്നത്. ടെലഗ്രാമില്‍ പേഴ്സണല് ചാറ്റുകളില്‍ മാത്രമേ ഈ ടൈമര്‍ ഫീച്ചര്‍ സംവിധാനം ലഭ്യമാകൂ. അതുപോലെ വാട്‌സാപ്പില്‍ ഗ്രൂപ്പ് ചാറ്റില്‍ മാത്രമേ ഡിസപ്പിയറിങ് മെസേജ് ഫീച്ചര്‍ ലഭ്യമാവൂ. നിലവില്‍ ഗ്രൂപ്പ് ചാറ്റില്‍ മാത്രമേ ഈ ഫീച്ചര്‍ ലഭ്യമാകുവെങ്കിലും പതിയെ പേഴ്സണല് ചാറ്റിലും ലഭ്യമാകുമെന്നാണ് റിപ്പോര്‍ട്ട്.
വാട്‌സാപ്പിന്റെ പുതിയ ഫീച്ചറിനെ കുറിച്ച് അറിയേണ്ട അഞ്ച് കാര്യങ്ങള്‍
1, ഈ ഫീച്ചര്‍ ഗ്രൂപ്പ് ചാറ്റുകളില്‍ മാത്രമേ ലഭ്യമാകൂ. ഫീച്ചര്‍ നിയന്ത്രിക്കുന്നതിന് ഗ്രൂപ്പ് അഡ്മിനുകള്‍ക്ക് മാത്രമേ ടോഗിള്‍ ബട്ടണ്‍ ഉപയോഗിക്കാന്‍ കഴിയൂ. എന്നിരുന്നാലും ഫീച്ചര്‍ എല്ലാ ഉപയോക്താക്കള്‍ക്കും ലഭ്യമാക്കുന്നതിന് മുന്‍പ് ഇത് മാറിയേക്കാം.
2, ഗ്രൂപ്പ് ചാറ്റിനെ മാത്രമേ ഈ ഫീച്ചര്‍ പിന്തുണയ്ക്കൂ എന്നാണ് പ്രാഥമിക റിപ്പോര്‍ട്ട്. എന്നാല്‍ മെസേജുകള്‍ അപ്രത്യക്ഷമാകുന്ന ഫീച്ചറുകള്‍ സ്വകാര്യ ചാറ്റുകളിലും ഇപ്പോള്‍ ചേര്‍ത്തിട്ടുണ്ട്. ചാറ്റിലെ രണ്ട് കോണ്‍ടാക്റ്റുകള്‍ക്കും ഈ ഫീച്ചറിന്റെ സേവനം ലഭിക്കും.
3, ഉപയോക്താക്കള്‍ക്ക് രണ്ട് ഓപ്ഷന്‍ ലഭിക്കും – 5 സെക്കന്‍ഡും 1 മണിക്കൂറും. മെസേജുകള്‍ സ്വപ്രേരിതമായി അപ്രത്യക്ഷമാകുമ്പോള്‍ അവര്‍ക്ക് സമയപരിധി നിര്‍ണയിക്കാന്‍ കഴിയും.
4, സന്ദേശങ്ങള്‍ അപ്രത്യക്ഷമാകുന്നത് വാട്‌സാപ് വെബിലും പ്രവര്‍ത്തിക്കും. ഈ സവിശേഷത ഐഒഎസില്‍ ലഭ്യമാകുമോ ഇല്ലയോ എന്നതിനെക്കുറിച്ച് അറിയില്ല.
5, മെസേജുകള്‍ അപ്രത്യക്ഷമാകുന്ന ഫീച്ചര്‍ ഓണാക്കിയാല്‍ ഗ്രൂപ്പ് ചാറ്റുകളുടെയും സ്വകാര്യ ചാറ്റുകളുടെ കാര്യത്തില്‍ വ്യക്തികളുടെയും എല്ലാ അംഗങ്ങളുടെയും ചാറ്റ് വിന്‍ഡോകളില്‍ നിന്ന് അയച്ച വാട്‌സാപ് സന്ദേശങ്ങള്‍ പൂര്‍ണ്ണമായും അപ്രത്യക്ഷമാകും.
