വയനാട്: ശക്തമായ മഴ തുടരുന്ന സാഹചര്യത്തില് വയനാട് ജില്ലയിലെ എട്ടു പഞ്ചായത്തുകളില് പ്രവര്ത്തിക്കുന്ന ഹോം സ്റ്റേകള്, റിസോര്ട്ടുകള്, ഗസ്റ്റ് ഹൗസുകള്, ലോഡ്ജിംഗ് ഹൗസ്, ഹോട്ടല് എന്നിവിടങ്ങളില് താമസിക്കുന്നവരെ അടിയന്തരമായി ഒഴിപ്പിക്കണമെന്ന് ജില്ലാ കളക്ടര്. വൈത്തിരി, പൊഴുതന, തിരുനെല്ലി, തൊണ്ടര്നാട്, മൂപ്പെനാട്, തവിഞ്ഞാല്, മേപ്പാടി, പടിഞ്ഞാറെത്തറ പഞ്ചായത്തുകളിലാണ് നിര്ദേശം നല്കിയിരിക്കുന്നത്.
ഈ മേഖല ഉരുള്പ്പൊട്ടല് ഭീഷണിയില് ഉള്പ്പെടുന്നതിനാലാണ് കളക്ടറുടെ നിര്ദേശം. ആവശ്യമെങ്കില് ഇവര്ക്ക് താമസസൗകര്യമൊരുക്കാന് തഹസില്ദാര്മാര്ക്ക് നിര്ദേശവും നല്കിയിട്ടുണ്ട്.