ടൊയോട്ട എസ്‌യുവികളുടെ ആവശ്യം വിപണിയിൽ തുടർച്ചയായി വർദ്ധിച്ചുകൊണ്ടിരിക്കുകയാണ്. കമ്പനിയുടെ ചില മോഡലുകൾ ബുക്ക് ചെയ്‍തതിന് ശേഷവും ആളുകൾക്ക് അവയുടെ ഡെലിവറിക്കായി വളരെക്കാലം കാത്തിരിക്കേണ്ടി വരും. എന്നാൽ ഇപ്പോഴിതാ കമ്പനിയുടെ ചില എസ്‌യുവികളുടെ കാത്തിരിപ്പ് കാലയളവ് ഗണ്യമായി കുറഞ്ഞിരിക്കുന്നു. അർബൻ ക്രൂയിസർ ഹെയ്‌റൈഡർ ആണ് ഇതിൽ പ്രധാനപ്പെട്ട മോഡൽ. ഇതൊരു മികച്ച ഹൈബ്രിഡ് എസ്‌യുവിയാണ്. അതിന്റെ കാത്തിരിപ്പ് കാലയളവ് ഇപ്പോൾ 60 ആഴ്ചയിൽ താഴെയായി. ഇന്ത്യൻ വിപണിയിൽ ഇതിന്റെ വില 11.14 ലക്ഷം രൂപ മുതലാണ്. വിശാലമായ നാല് വേരിയന്റുകളിൽ ലഭ്യമാണ്. അതിന്റെ വിശദാംശങ്ങൾ അറിയാം.
ടൊയോട്ട അർബൻ ക്രൂയിസർ ഹൈറൈഡർ ഓഗസ്റ്റ് മുതൽ രാജ്യത്ത് വിൽപ്പനയ്‌ക്കെത്തുന്നു. എന്നിരുന്നാലും, ഈ എസ്‌യുവിയുടെ കാത്തിരിപ്പ് കാലയളവ് വളരെ നീണ്ടതാണ്. പെട്രോൾ വേരിയന്റിനെ അപേക്ഷിച്ച് സിഎൻജി വേരിയന്റിനുള്ള ഡിമാൻഡ് വളരെ കൂടുതലാണ്. ഈ 5 സീറ്റർ എസ്‌യുവിയുടെ വേരിയൻറ് തിരിച്ചുള്ള കാത്തിരിപ്പ് കാലയളവ് നമുക്ക് ഇപ്പോൾ അറിയാം.
ടൊയോട്ട അർബൻ ക്രൂയിസർ ഹൈറൈഡറിന്റെ സിഎൻജി വേരിയന്റിന് ഉപഭോക്താക്കൾക്കിടയിൽ ഉയർന്ന ഡിമാൻഡ് കാണുന്നു. പരമാവധി 60 ആഴ്ച വരെ കാത്തിരിപ്പ് കാലാവധിയുണ്ട് ഈ മോഡലിന്. അതേസമയം ഹൈബ്രിഡ്, നിയോ-ഡ്രൈവ് മോഡലുകളുടെ കാത്തിരിപ്പ് കാലയളവ് യഥാക്രമം 20 ആഴ്ചയും 36 ആഴ്ചയും ആണ്. എന്നിരുന്നാലും, ലൊക്കേഷൻ, ഡീലർഷിപ്പ്, വേരിയന്റ് ഓപ്ഷനുകൾ, കളർ ഓപ്ഷനുകൾ, മറ്റ് ഘടകങ്ങൾ എന്നിവയെ ആശ്രയിച്ച് ഈ കാത്തിരിപ്പ് കാലയളവ് വ്യത്യാസപ്പെടാം.
ടൊയോട്ട അർബൻ ക്രൂയിസർ ഹൈറൈഡർ നിലവിൽ ഇ, എസ്, ജി, വി എന്നീ നാല് വേരിയന്റുകളിൽ ലഭ്യമാണ് . നിയോ ഡ്രൈവ്, സ്ട്രോങ് ഹൈബ്രിഡ്, സിഎൻജി എന്നീ മൂന്ന് വ്യത്യസ്ത പവർട്രെയിനുകൾക്കൊപ്പം ഈ എസ്‌യുവി ലഭ്യമാണ്. മാരുതി സുസുക്കി ഗ്രാൻഡ് വിറ്റാര എതിരാളിയായ ഹെയ്‌റൈഡർ എസ്‌യുവിയുടെ വില 11.14 ലക്ഷം രൂപയിൽ തുടങ്ങി 20.19 ലക്ഷം രൂപ വരെ ഉയരുന്നു. ഈ വിലകളെല്ലാം എക്സ്-ഷോറൂം വിലകൾ ആണ്.
