തിരുവനന്തപുരം: മുഖ്യ തിരഞ്ഞെടുപ്പ് കമ്മീഷണര്‍ ടിക്കാറാം മീണക്കെതിരെ ആഞ്ഞടിച്ച് ബിജെപി നേതാവ് വി വി രാജേഷ്. മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ പെരുമാറുന്നത് പക്ഷപാതപരമായെന്ന് വി വി രാജേഷ് ആരോപിച്ചു.
കെഎസ്ആര്‍ടിസി ബസുകളില്‍ നിന്ന് എല്‍ഡിഎഫ് സര്‍ക്കാരിന്റെയും മുഖ്യമന്ത്രി പിണറായി വിജയന്റേയും ചിത്രം മാറ്റിയത് വലിയ കാര്യമല്ലന്ന് പറയുന്ന ടിക്കാറാം മണ്ടനാണെങ്കിലും കേള്‍ക്കുന്ന ആളുകള്‍ മണ്ടന്മാരല്ലന്ന് രാജേഷ് പറഞ്ഞു. ടിക്കാറാം മീണ സംസാരിക്കുന്നത് എല്‍ഡിഎഫ് നേതാക്കളുടെ ഭാഷയാണെന്നും രാജേഷ് ആരോപിച്ചു.
മുഖ്യ തെരഞ്ഞെടുപ്പ് ഓഫീസര്‍ ബിജെപി നേതാക്കള്‍ക്ക് നേരെ പക്ഷപാതപരമായ നിലപാടാണ് സ്വീകരിക്കുന്നത്. മറ്റ് സംസ്ഥാനങ്ങളില്‍ നേതാക്കള്‍ ജാതി മത രാഷ്ട്രീയം ഉയര്‍ത്തി കാണിച്ചാണ് വോട്ട് തേടുന്നതെന്നും വി വി രാജേഷ് വ്യക്തമാക്കി.
