കൊച്ചി: വോൾവോ എക്സ് സി 40 ടി4 ആർ-ഡിസൈൻ പെട്രോൾ വേരിയന്‍റ് പതിപ്പ് വിപണിയിൽ അവതരിപ്പിച്ചു. സ്വീഡിഷ് വാഹനനിർമാതാക്കളുടെ വാഹനമാണ് വോൾവോ എക്സ് സി 40 ടി4 ആർ-ഡിസൈൻ. വാഹനത്തിന്റെ വില 39.90 ലക്ഷം രൂപയാണ്.
എൻട്രി ലെവലിൽ വോൾവോയുടെ ആദ്യത്തെ പെട്രോൾ വാഹനം കൂടിയാണിത്. വാഹനത്തിന്റെ എഞ്ചിൻ 2.0 ലിറ്റർ ഫോർ സിലിണ്ടർ പെട്രോൾ ആണ്.
50 കിലോമീറ്റർ വേഗം വരെ മറ്റുവാഹനങ്ങൾ, വഴിയാത്രക്കാർ, സൈക്കിൾ യാത്രക്കാർ, മൃഗങ്ങൾ എന്നിവയുമായുള്ള കൂട്ടിയിടി ഒഴിവാക്കാൻ റഡാർ അടിസ്ഥാനമായ സുരക്ഷ നൽകുന്നുവെന്ന് വോൾവോ കാർ ഇന്ത്യ മാനേജിംഗ് ഡയറക്ടർ ചാൾസ് ഫ്രംപ് പറഞ്ഞു.
