തിരുവനന്തപുരം: കേരളത്തിന്റെ സ്വപ്നപദ്ധതിയായ വിഴിഞ്ഞം തുറമുഖ പദ്ധതി ഉപേക്ഷിക്കില്ലെന്ന് മുഖ്യമന്ത്രി പിണറായി വിജയൻ.
പദ്ധതി കരാറിൽ അഴിമതിയുണ്ടെങ്കിൽ പഴുതുകളടച്ചു മുന്നോട്ടു പോകുമെന്നും സ്വപ്ന പദ്ധതി നടപ്പാക്കാൻ തന്നെയാണ് തീരുമാനമെന്നും മുഖ്യമന്ത്രി വ്യക്തമാക്കി. വിഴിഞ്ഞം തുറമുഖ നിർമാണത്തോട് അനുബന്ധിച്ചുള്ള ബർത്ത് പൈലിംഗ് ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം.
സിഎജി റിപ്പോർട്ടിൻമേലുള്ള ജുഡീഷൽ അന്വേഷണം അവസാനിക്കുന്നതുവരെ പദ്ധതി നിർമാണപ്രവർത്തനങ്ങൾ നിർത്തിവയ്ക്കണമെന്ന മുതിർന്ന സിപിഎം നേതാവ് വി.എസ്.അച്യുതാനന്ദന്റെ കത്ത് തള്ളിയാണ് പിണറായിയുടെ പ്രഖ്യാപനം.
