വിവോയുടെ പുതിയ ഫ്‌ളാഗ്ഷിപ്പ് സ്മാര്‍ട്‌ഫോണായ വിവോ എക്‌സ്23 ചൈനയില്‍ അവതരിപ്പിച്ചു. 36,700 രൂപയാണ് ഫോണിന്റെ വില. സെപ്റ്റംബര്‍ 14 മുതല്‍ ഫോണ്‍ വില്‍പ്പന ആരംഭിക്കും. പര്‍പ്പിള്‍, ചുവപ്പ്, നീല എന്നീ മൂന്ന് കളര്‍ വാരിയന്റുകളിലാണ് ഫോണ്‍ അവതരിപ്പിച്ചിരിക്കുന്നത്.
2340×1080 പിക്‌സല്‍, 19:9 അനുപാതത്തില്‍ 6.41 ഇഞ്ച് സൂപ്പര്‍ അമോലെഡ് ഡിസ്‌പ്ലേയാണ് ഫോണിനുള്ളത്. ഫിംഗര്‍പ്രിന്റ് സെന്‍സറും ഫോണിലുണ്ട്. ക്വാല്‍കോം സ്‌നാപ്ഡ്രാഗണ്‍ 670 പ്രൊസസറുള്ള ഫോണ്‍ ആന്‍ഡ്രോയിഡ് ഓറിയോ 8.1ലാണ് പ്രവര്‍ത്തിക്കുന്നത്. 3,400 എംഎഎച്ചാണ് ബാറ്ററി.
8 ജിബി റാം 128 ജിബി ഇന്റേണല്‍ സ്റ്റോറേജാണ് ഫോണിനുള്ളത്. 12 എംപി പ്രൈമറി സെന്‍സറും 13 എംപി സെക്കന്‍ഡറി സെന്‍സറുമാണ് ക്യാമറ. 12 എംപി സെല്‍ഫി ക്യാമറയുമാണ്.
