ആസിഫ് അലിയും ഐശ്വര്യ ലക്ഷ്മിയും പ്രധാന വേഷത്തിലെത്തുന്ന ചിത്രം വിജയ് സൂപ്പറും പൗര്‍ണമിയുടെ പുതിയ പോസ്റ്റര്‍ പുറത്തിറങ്ങി. ആസിഫ് അലി, ഐശ്വര്യ ലക്ഷ്മി, അജു വര്‍ഗീസ്, ബാലു വര്‍ഗീസ്, ദര്‍ശന രാജേന്ദ്രന്‍, ജോസഫ് അന്നംകുട്ടി ജോസ് എന്നിവരാണ് പോസ്റ്ററില്‍ പ്രത്യക്ഷപ്പെടുന്നത്.
സംവിധായകന്‍ ജിസ് ജോയ് തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നതും. എ കെ സുനില്‍ ആണ് ചിത്രം നിര്‍മ്മിക്കുന്നത്. ജിസ് ജോയിയുടെ മൂന്നാമത്തെ ചിത്രമാണിത്.
ശാന്തി കൃഷ്ണ ,രഞ്ജി പണിക്കര്‍, സിദ്ദിഖ്, കെപിഎസി ലളിത, അര്‍ജുന്‍ അശോകന്‍ തുടങ്ങിയവര്‍ ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. സണ്‍ഡേ ഹോളിഡേയ്ക്ക് ശേഷം ജിസ് ജോയിയും ആസിഫ് അലിയും ഒന്നിക്കുന്ന ചിത്രത്തിന് ഏറെ പ്രതീക്ഷയാണുള്ളത്. ന്യൂ സൂര്യ ഫിലിംസിന്റെ ബാനറില്‍ എ കെ സുനില്‍ ആണ് ചിത്രം നിര്‍മ്മിക്കുന്നത്.
