വിജയ് നായകനായ തമിഴ് ബ്ലോക്ബസ്റ്റര്‍ ചിത്രം ഹിന്ദിയിലേക്ക് റീമേക്ക് ചെയ്യാനിരിക്കുകയാണ്. സഞ്ജയ് ലീലാ ബന്‍സാലിയാണ് ചിത്രത്തിന്റെ പകര്‍പ്പവകാശം ഏറ്റെടുത്തിരിക്കുന്നത്. റീമേക്കില്‍ അക്ഷയ് കുമാര്‍ അല്ലെങ്കില്‍ രണ്‍വീര്‍ സിങ് ആയിരിക്കും ചിത്രത്തില്‍ വിജയ്‌യുടെ വേഷത്തിലെത്തുകയെന്നാണ് സഞ്ജയ് ലീലാ ബന്‍സാലി പറയുന്നത്.
എ ആര്‍ മുരുകദോസ് ആണ് കത്തി സംവിധാനം ചെയ്തത്. എ എല്‍ ബി ഫിലിംസ് തന്നെയാണ് ചിത്രം നിര്‍മ്മിക്കുന്നതും. എ.ആര്‍. മുരുkദോസ് സംവിധാനം ചെയ്യുന്ന ചിത്രത്തില്‍ സാമന്തയാണ് നായിക. കൊലവെറി ഫെയിം അനിരുദ്ധാണ് ഗാനങ്ങള്‍ ഒരുക്കിയിരിക്കുന്നത്. ബോളിവുഡ് താരം നീല്‍ നിതിന്‍ മുകേഷും ചിത്രത്തില്‍ അഭിനയിച്ചിരുന്നു. വിജയ് ഇരട്ട റോളുകളിലാണ് ചിത്രത്തില്‍ വേഷമിട്ടത്.
എ ആര്‍ മുരുകദാസുമൊത്തുള്ള സര്‍ക്കാര്‍ ആണ് വിജയ്‌യുടെ പുറത്തിറങ്ങാനിരിക്കുന്ന ചിത്രം. ചിത്രം ഈ വര്‍ഷം ദീപാവലി റിലീസായി തിയറ്ററുകളിലെത്തും.
