വിദ്യാ ബാലന്‍ നായികയായി 2005ല്‍ പ്രദര്‍ശനത്തിന് എത്തിയ ചിത്രമാണ് പരിനീത. ചിത്രത്തിന് മികച്ച പ്രതികരണമായിരുന്നു ലഭിച്ചത്. ഇപ്പോഴിതാ ചിത്രം റിലീസ് ചെയ്ത് 14 വര്‍ഷം പിന്നിടുമ്പോള്‍ അതിന്റെ ഓര്‍മ്മകള്‍ പങ്കുവയ്ക്കുകയാണ് വിദ്യാ ബാലന്‍.സോഷ്യല്‍ മീഡിയയിലൂടെയാണ് ചിത്രത്തിന്റെ ഓര്‍മ്മകള്‍ വിദ്യാ ബാലന്‍ പങ്കുവച്ചത്.
സഹസംവിധായകരില്‍ ഒരാളൊപ്പമുള്ള വീഡിയോ ആണ് വിദ്യാ ബാലന്‍ ഷെയര്‍ ചെയ്തിരിക്കുന്നത്. പരിനീതയില്‍ തന്റെ അവസാനരംഗം ചിത്രീകരിച്ചതിനു ശേഷം എടുത്ത വീഡിയോ ആണ് ഇതെന്ന് വിദ്യാ ബാലന്‍ പറയുന്നു. ചിത്രത്തിലെ ഒരു ഷൂട്ടിംഗ് രംഗത്തിന്റെ ഒരു വീഡിയോയും വിദ്യാ ബാലന്‍ പങ്കുവച്ചിട്ടുണ്ട്. ബംഗാളി സാഹിത്യകാരന്‍ ശരത് ചന്ദ്ര ചതോപാധ്യയയുടെ നോവലിനെ ആസ്പദമാക്കായാണ് ചിത്രം ഒരുക്കിയത്. പ്രദീപ് സര്‍കാര്‍ ആയിരുന്നു ചിത്രം സംവിധാനം ചെയ്തത്.
