അലക്സാണ്ടർ വൈറ്റും ഭാര്യ അമേലി നീറ്റും തിങ്കളാഴ്ച സിഡ്നിയിലെ അൽഡി സൂപ്പർ മാർക്കറ്റിൽ നിന്ന് വാങ്ങിയ ചീര പായ്ക്കറ്റിനുള്ളിലാണ് കൊടും വിഷമുള്ള പാമ്പിൻ കുഞ്ഞിനെ കണ്ടെത്തിയത്. പാക്കറ്റിനുള്ളിൽ നിന്ന് നാവ് നീട്ടിക്കൊണ്ട് ഇഴഞ്ഞ് നടക്കുന്ന രീതിയിലായിരുന്നു പാമ്പ് ഉണ്ടായതെന്ന് അന്താരാഷ്ട്ര മാധ്യമങ്ങള് റിപ്പോർട്ട് ചെയ്യുന്നു.
20 സെന്റിമീറ്ററോളം നീളമുള്ള പാമ്പിൻ കുഞ്ഞ് സൂപ്പർമാർക്കറ്റിലെ ചീര പായ്ക്കറ്റിനുള്ളിൽ കിടന്ന് ഉറങ്ങുകയായിരുന്നു. ഇവിടെ നിന്ന് ചീര വാങ്ങിയ വൈറ്റ് പാമ്പിൻ കുഞ്ഞുമായി 10 മിനിറ്റ് നേരം സൈക്കിളിൽ യാത്ര ചെയ്താണ് വീട്ടിലെത്തിയത്. ഈ സമയത്താണ് പാമ്പ് ഉറക്കമെഴുന്നേൽക്കുന്നതും പായ്ക്കറ്റിനുള്ളിൽ കൂടി ഇഴയാൻ ആരംഭിച്ചതും.