ഇന്ത്യയുടെ പുതിയ കോച്ച് രാഹുല്‍ ദ്രാവിഡിനും പുതിയ ടി20 നായകന്‍ രോഹിത് ശര്‍മ്മയ്ക്കും യുവ താരങ്ങളെ കൈകാര്യം ചെയ്യുവാന്‍ നന്നായി അറിയാമെന്ന് പറഞ്ഞ് വെങ്കടേഷ് അയ്യര്‍. ന്യൂസിലാണ്ടിനെതിരെ ടി20 പരമ്പരയിൽ അരങ്ങേറ്റം കുറിച്ച താരമാണ് വെങ്കടേഷ് അയ്യര്‍.
ഇരുവര്‍ക്കും ഡ്രസ്സിംഗ് റൂം റിലാക്സ്ഡ് ആയി നിലനിര്‍ത്തുവാനുള്ള മികച്ച കഴിവുണ്ടെന്നാണ് താരം പറഞ്ഞത്. കൊല്‍ക്കത്ത നൈറ്റ് റൈഡേഴ്സിന് വേണ്ടി മികച്ച പ്രകടനം പുറത്തെടുത്തതാണ് അയ്യര്‍ക്ക് അന്താരാഷ്ട്ര മത്സരങ്ങള്‍ക്ക് അവസരം ലഭിയ്ക്കാനിടയാക്കിയത്.
തനിക്ക് ഇരുവരുടെയും മികച്ച പിന്തുണയാണ് ലഭിച്ചതെന്നും താന്‍ സമ്മര്‍ദ്ദമില്ലാതെയാണ് ഈ അവസരങ്ങള്‍ ആഘോഷിച്ചതെന്നും തനിക്ക് തന്റെ കളി പുറത്തെടുക്കുവാനുള്ള പൂര്‍ണ്ണ സ്വാതന്ത്ര്യം അവര്‍ തന്നിരുന്നുവെന്നും തന്റെ കഴിവിൽ പൂര്‍ണ്ണ വിശ്വാസമാണെന്നും ഇരുവരും അറിയിച്ചുവെന്നും അയ്യര്‍ വ്യക്തമാക്കി.
