തിരുവനന്തപുരം:കേരളത്തില് ഇപ്പോള് വാക്സിനേഷന് സാര്വത്രികമായി നടപ്പാക്കാനാണ് മുന്ഗണന നല്കുന്നതെന്ന് ആരോഗ്യ മന്ത്രി വീണ ജോര്ജ്. കേരളത്തില് ബ്ലാക്ക് ഫംഗസിനെക്കുറിച്ച് ആശങ്കപ്പെടേണ്ട സാഹചര്യമില്ലെന്നും മന്ത്രി പറഞ്ഞു.
‘കുറഞ്ഞ സമയത്തിനുള്ളില് വാക്സിനേഷന് പൂര്ത്തിയാക്കുകയാണ് ലക്ഷ്യം. വരും ദിവസങ്ങളിലെ കേസുകളുടെ എണ്ണം, ടെസ്റ്റ് പോസിറ്റിവിറ്റി നിരക്ക് തുടങ്ങിയവ വിലയിരുത്തി മുന്നോട്ട് പോകും. മുഖ്യമന്ത്രിയുടെ നേതൃത്വത്തില് മോണിറ്ററിങ് നടത്തിയ ശേഷമാണ് ഇനിയുള്ള പ്രതിരോധ പ്രവര്ത്തനങ്ങള് എങ്ങനെ ആയിരിക്കണമെന്ന് തീരുമാനിക്കുക.
നിലവില് ബ്ലാക്ക് ഫംഗസ് സംസ്ഥാനത്ത് കൂടുതലായി റിപ്പോര്ട്ട് ചെയ്യുന്നുണ്ട്. നേരത്തേ തന്നെ കേരളത്തില് റിപ്പോര്ട്ട് ചെയ്തിട്ടുള്ള രോഗമാണ് ബ്ലാക്ക് ഫംഗസ്. പക്ഷേ മരണനിരക്ക് വളരെ കുറവായിരുന്നു’. ഡോക്ടര്മാരുടെ നിര്ദേശപ്രകാരമല്ലാതെ സ്റ്റിറോയ്ഡ് മരുന്നുകള് ഉപയോഗിക്കരുതെന്നും നിലവില് ആശങ്കപ്പെടേണ്ട കാര്യമില്ലെന്നും മന്ത്രി വ്യക്തമാക്കി.