ലഖ്നൗ: കൊവിഡ് വ്യാപനം തടയുന്നതിനായി മുഖ്യമന്ത്രി യോഗി ആദിത്യനാഥ് പ്രവാസി ഭാരത് മിത്ര് ആപ് എന്ന
മൊബൈല്‍ ആപ്ലിക്കേഷന്‍ പുറത്തിറക്കിയതിന് പിന്നാലെ യുപി മിത്ര് ആപ് പുറത്തിറക്കി കോണ്‍ഗ്രസും.
കഴിഞ്ഞ ദിവസമാണ് യോഗി ആദിത്യനാഥ് സര്‍ക്കാര്‍ പ്രവാസി ഭാരത് മിത്ര് ആപ് പുറത്തിറക്കിയത്. സര്‍ക്കാര്‍ സേവനങ്ങളുടെ വിവരങ്ങള്‍, പ്രത്യേക പദ്ധതികള്‍, കൊവിഡ് മുന്നറിയിപ്പുകള്‍ എന്നിവയടങ്ങിയതായിരുന്നു സംസ്ഥാന സര്‍ക്കാര്‍ പുറത്തിറക്കിയ ആപ്.
യുനൈറ്റജ് നേഷന്‍ ഡെവലപ്മെന്റ് പ്രോഗ്രാമുമായി ചേര്‍ന്ന് യുപി റവന്യൂ ഡിപ്പാര്‍ട്ട്മെന്റാണ് ആപ് തയ്യാറാക്കിയത്. ആളുകള്‍ക്ക് നേരിട്ട് സംശയനിവാരണം നടത്താവുന്ന രീതിയിലാണ് ആപ് വികസിപ്പിച്ചത്. ഇതിനായി പ്രത്യേക ചാറ്റ് ബോക്സ് തയ്യാറാക്കിയിട്ടുണ്ട്.
എന്നാല്‍ സഹായം വേണ്ടവരെയെല്ലാം കഴിയുന്ന രീതിയില്‍ സഹായിക്കുന്നതിന്റെ ഭാഗമായാണ് യുപി മിത്ര് ആപ് പുറത്തിറക്കിയതെന്ന് കോണ്‍ഗ്രസ് നേതൃത്വം അറിയിച്ചു. ശേഖരിച്ച വിവരങ്ങള്‍ സര്‍ക്കാറുമായി പങ്കുവെച്ച് സഹായമെത്തിക്കുമെന്നും നേതൃത്വം അറിയിച്ചു.
