ഉത്തര്‍പ്രദേശ്: ഉന്നാവോയില്‍ വൈറലായ പീഡന വീഡിയോയുമായി ബന്ധപ്പെട്ട് രണ്ടു പേരെ പൊലീസ് അറസ്റ്റ് ചെയ്തു. രാഹുല്‍, ആകാശ് എന്നിവരെയാണ് ഉന്നാവോ പൊലീസ് വെള്ളിയാഴ്ച അറസ്റ്റ് ചെയ്തത്. മൂന്നാമനായുള്ള തിരച്ചില്‍ തുടരുകയാണെന്നും പൊലീസ് അറിയിച്ചു.
ഒരു സ്ത്രീയെ വീട്ടില്‍ നിന്നും പിടിച്ചുകൊണ്ടുപോയി ആളൊഴിഞ്ഞ കാട്ടുപ്രദേശത്ത് വെച്ച് മൂന്നുപേര്‍ ചേര്‍ന്ന് പീഡിപ്പിക്കുന്ന ദൃശ്യം ഉന്നാവോ നഗരത്തില്‍ കഴിഞ്ഞ കുറച്ച് ദിവസങ്ങളായി വൈറലായി മാറിയിരുന്നു.
തങ്ങള്‍ കുറച്ച് ദിവസങ്ങളായി ഈ വീഡിയോയുടെ പിറകിലായിരുന്നു അതിനു ഫലമെന്നോണമാണ് ഇന്നത്തെ അറസ്റ്റ് എസ് പി അനൂപ് സിങ് പറഞ്ഞു. കുറ്റം ചെയ്തവര്‍ക്കെതിരെ കര്‍ശന നടപടിയെടുക്കുമെന്നും അന്വേഷണം പുരോഗമിക്കുകയാണെന്നും അദ്ദേഹം അറിയിച്ചു.
