രാജ്യത്ത് തൊഴിലില്ലായ്മ വര്‍ദ്ധിച്ചു; തൊഴില്‍ മന്ത്രി സന്തോഷ് കുമാര്‍ ഗംഗാവാര്‍

ന്യൂഡൽഹി: രാജ്യത്ത് തൊഴിലില്ലായ്മ വര്‍ദ്ധിച്ചതായി തൊഴില്‍ മന്ത്രി സന്തോഷ് കുമാര്‍ ഗംഗാവാര്‍ ലോക്‌സഭയില്‍ പറഞ്ഞു. ടി എൻ പ്രതാപന്റെ ചോദ്യത്തിനുളള മറുപടിയിലാണ് മന്ത്രി രാജ്യത്തെ തൊഴിലില്ലായ്മയെക്കുറിച്ച് പറഞ്ഞത്.

2017- 2018 ല്‍ തൊഴിലില്ലാത്തവരുടെ നിരക്ക് ഉയര്‍ന്നു എന്നാണ് രേഖാമൂലം നല്‍കിയ മറുപടിയിൽ പറഞ്ഞത്. തൊഴിലില്ലാത്തവരുടെ നിരക്ക് 2013- 14 ല്‍ 2.9 ശതമാനമായിരുന്നു ഇത് 2017- 18 ല്‍ 6.1 ശതമാനമായി ഉയര്‍ന്നു എന്നാണ് വ്യക്തമാക്കിയത്.

ഏറ്റവും കൂടുതല്‍ തൊഴിലില്ലാത്തവര്‍ നഗര മേഖലയിലാണെന്നും പറഞ്ഞു. ഗ്രാമീണ മേഖലയിലെ തൊഴിലില്ലാത്തവരുെട നിരക്ക് 4.9 ശതമാനത്തില്‍ നിന്ന് 5.3 ശതമാനമായി ഉയര്‍ന്നതായാണ് റിപ്പോര്‍ട്ട്. ഇത് നഗരങ്ങളില്‍ 3.4 ശതമാനത്തില്‍ നിന്നും 7.8 ശതമാനയാണ് ഉയര്‍ന്നിരിക്കുന്നത്.

Top