യു.എന് : മുംബയ് ഭീകരാക്രമണത്തിന്റെ സൂത്രധാരന് ഹാഫിസ് സയിദിനെ ആഗോള ഭീകരരുടെ പട്ടികയില് നിന്ന് ഒഴിവാക്കണമെന്ന അപേക്ഷ ഐക്യരാഷ്ട്ര സഭ തള്ളി. ഹാഫീസ് സയീദുമായി അഭിമുഖം നടത്താനുള്ള യു.എന് സംഘത്തിന് പാകിസ്ഥാന് വിസ നിഷേധിച്ചതിന് പിന്നാലെയാണ് സയിദിനെ ഭീകരവാദി പട്ടികയില്നിന്ന് ഒഴിവാക്കാനുള്ള അപേക്ഷ തള്ളിയത്.
യാത്രാവിലക്കുള്ളവരുടെ പട്ടികയില് നിന്ന് സയ്യീദിനെ ഒഴിവാക്കാനുള്ള അപേക്ഷയില് തീരുമാനം എടുക്കുന്നതിനാണ് ഉദ്യോഗസ്ഥര് ഹാഫിസ് സയ്യീദിനെ കാണാന് തീരുമാനിച്ചിരുന്നത്. 2008ലെ മുംബൈ ഭീകരാക്രമണത്തിനു പിന്നാലെയാണ്, ഇന്ത്യയുടെ ആവശ്യപ്രകാരം യുഎന് രക്ഷാസമിതി ഹാഫീസ് സയ്യീദിനെ ഭീകരപട്ടികയില് ഉള്പ്പെടുത്തിയത്.
കഴിഞ്ഞ ദിവസം തീവ്രവാദസംഘടനകള്ക്കെതിരേ നിലപാടു കര്ശനമാക്കിയ പാക്കിസ്ഥാന്, ഹാഫീസ് സയ്യീദിന്റെ ജമാഅത്ത് ഉദ്ധവയെയും ജമാഅത്തിന്റെ ജീവകാരുണ്യ വിഭാഗമായ ഫലാ ഇ ഇന്സാനിയത് ഫൗണ്ടേഷനെയും നിരോധിച്ചിരുന്നു.