കൊച്ചി: യുഗാണ്ട എയര്‍ലൈന്‍സ് ഇന്ത്യയിലേക്ക് നേരിട്ടുള്ള സര്‍വിസുമായി പ്രവര്‍ത്തനം ആരംഭിച്ചു. ശനിയാഴ്ച ആദ്യ സര്‍വിസ് തുടങ്ങും. യുഗാണ്ടയിലെ എന്റബെ രാജ്യാന്തര വിമാനത്താവളത്തെയും മുംബൈ ഛത്രപതി ശിവജി മഹാരാജ് രാജ്യാന്തര വിമാനത്താവളത്തെയും ബന്ധിപ്പിച്ചാണ് സര്‍വിസ്.
ഇരുനഗരങ്ങള്‍ക്കുമിടയില്‍ ആഴ്ചയില്‍ മൂന്ന് സര്‍വിസാണുള്ളത്. മുംബൈയില്‍നിന്ന് ചൊവ്വ, വ്യാഴം, ഞായര്‍ ദിവസങ്ങളിലും എന്റബെയില്‍നിന്ന് തിങ്കള്‍, ബുധന്‍, ശനി ദിവസങ്ങളിലുമാണ് സര്‍വിസ്.
ആദ്യവിമാനം (യു.ആര്‍ 430) ശനിയാഴ്ച എന്റബെയില്‍നിന്ന് പ്രാദേശിക സമയം രാത്രി 8.15ന് പുറപ്പെട്ട് ഞായറാഴ്ച പുലര്‍ച്ച 5.55ന് മുംബൈയില്‍ ഇറങ്ങും. മുംബൈയില്‍നിന്നുള്ള ആദ്യവിമാനം (യു.ആര്‍ 431) ഞായറാഴ്ച രാവിലെ 7.55ന് പുറപ്പെട്ട് പ്രാദേശിക സമയം 12.25ന് എന്റബെയില്‍ ഇറങ്ങും.
