ബെംഗളൂരു: പുതുപ്പള്ളി ഉപതെരഞ്ഞെടുപ്പില്‍ ചാണ്ടി ഉമ്മന്‍ ചരിത്ര വിജയം നേടുമെന്ന് സഹോദരി അച്ചു ഉമ്മന്‍ മാധ്യമങ്ങളോട് പറഞ്ഞു. കുപ്രചരണങ്ങള്‍ക്ക് ജനം തന്നെ മറുപടി നല്‍കുമെന്ന് അച്ചു ഉമ്മന്‍. ചാണ്ടി ഉമ്മന്‍ എന്ന രാഷ്ട്രീയക്കാരന് നല്‍കിയ അംഗീകാരമാണ് യുഡിഎഫ് സ്ഥാനാര്‍ത്ഥിത്വം. വികസനവും കരുതലും ഒരുമിച്ച് കൊണ്ടുപോയത് കൊണ്ടാണ് 53 വര്‍ഷം ഉമ്മന്‍ചാണ്ടി പുതുപ്പള്ളിയെ പ്രതിനിധീകരിച്ചതെന്നും അച്ചു ഉമ്മന്‍ കൂട്ടിച്ചേര്‍ത്തു.
ഉമ്മന്‍ചാണ്ടി ജീവിച്ചിരുന്ന കാലത്ത് ഒരുപാട് നുണകള്‍ കൊണ്ട് വേട്ടയാടപ്പെട്ടിരുന്നു. എല്ലാ കുപ്രചരണങ്ങള്‍ക്കും പുതുപ്പള്ളിയിലെ ജനം മറുപടി നല്‍കുമെന്ന് അച്ചു ഉമ്മന്‍ പറഞ്ഞു. അന്ത്യ യാത്രയില്‍ വന്ന ജനങ്ങള്‍ ആരും വിളിച്ചിട്ട് വന്നതല്ല. ഇനിയും ഉമ്മന്‍ചാണ്ടിയെ ആക്ഷേപിക്കാനാണ് ശ്രമമെങ്കില്‍ ജനങ്ങള്‍ തന്നെ മറുപടി നല്‍കുമെന്ന് അച്ചു ഉമ്മന്‍ പറഞ്ഞു. പുതുപ്പള്ളി ഉപതെരഞ്ഞെടുപ്പില്‍ മുഴുവന്‍ സമയപ്രചാരണത്തിന് ഉണ്ടാവുമെന്നും അച്ചു ഉമ്മന്‍ വ്യക്തമാക്കി.
