തിരുവനന്തപുരം: സംസ്ഥാനത്ത് രണ്ടു ദിവസത്തിനകം രണ്ടു ടണ് സവാള എത്തിക്കുമെന്നും കിലോ 50 രൂപ നിരക്കിൽ നൽകുമെന്നും കൃഷിമന്ത്രി വി.എസ്.സുനിൽ കുമാർ അറിയിച്ചു. നാഫെഡ് വഴി അധിക സവാള ഇറക്കുമതി ചെയ്ത് സപ്ലൈകോ വഴി വിതരണം നടത്താനാണ് സർക്കാർ തീരുമാനിച്ചിരിക്കുന്നത്.
അതേസമയം സംസ്ഥാനത്ത് സവാള വില കിലോയ്ക്ക് 100 കടന്നു. മൊത്തവിതരണ കേന്ദ്രത്തിൽ കിലോയ്ക്ക് 105 രൂപ വരെ വിലയുണ്ട്. നാട്ടിൻപുറങ്ങളിലെ ചെറുകിട കച്ചവട കേന്ദ്രങ്ങളിലെത്തുമ്പോൾ വില വീണ്ടും ഉയരും.