മാനന്തവാടി: വയനാട് തലപ്പുഴയില് രണ്ട് വിദ്യാര്ഥികള് പുഴയില് മുങ്ങിമരിച്ചു. തലപ്പുഴ ഗവ. ഹയര് സെക്കണ്ടറി സ്കൂളിലെ പത്താം തരം വിദ്യാര്ത്ഥികളായ കെ.എസ്. ആനന്ദ് (15), മുബസില് (15) എന്നിവരാണ് മരിച്ചത്.
കുട്ടികള് ഒരുമിച്ച് പുഴയില് കുളിക്കാനായി എത്തിയിരുന്നു. ഇതില് ആറംഗ സംഘമാണ് ആദ്യം വെളളത്തില് ഇറങ്ങിയത്. ആഴം കുറഞ്ഞ സ്ഥലത്തായിരുന്നു എല്ലാവരും കുളിച്ചിരുന്നതെന്ന് കയത്തില് നിന്ന് ഒരു സഹപാഠിയെ രക്ഷിച്ച ശിവകൃഷ്ണ പറഞ്ഞു.ശിവകൃഷ്ണ ഇയാളെ രക്ഷിച്ച് കരക്കെത്തിച്ചതിന് ശേഷമാണ് മറ്റു രണ്ട് പേര് കൂടി മുങ്ങിപോയിട്ടുണ്ടെന്ന കാര്യമറിയുന്നത്. പരമാവധി നോക്കിയെങ്കിലും രക്ഷപ്പെടുത്താന് കഴിഞ്ഞില്ലെന്ന് ശിവകൃഷ്ണ പറഞ്ഞു.
മാനന്തവാടി ജില്ലാ ആശുപത്രിയിലേക്ക് മാറ്റിയ മൃതദേഹങ്ങള് പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.