അപ്പാച്ചെ ആര്‍ടിആര്‍ 200-4വിയുടെ പുതിയ എബിഎസ് പതിപ്പുമായി ടിവിഎസ് വിപണിയില്‍ എത്തുന്നു. മുംബൈ എക്സ്ഷോറൂമിൽ 1,08,899 രൂപയാണ് ഡ്യുവല്‍ ചാനല്‍ എബിഎസുമായി അവതരിച്ച ആര്‍ടിആര്‍ 200-4വിയുടെ വില. 5,000 രൂപ അഡ്വാന്‍സ് നല്‍കി ആര്‍ടിആര്‍ 200-4വി ഉപഭോക്താക്കള്‍ക്ക് ബുക്ക് ചെയ്യാം.
കാര്‍ബുറേറ്റഡ് വേരിയന്റില്‍ മാത്രമാണ് എബിഎസ് ലഭ്യമാക്കിയിരിക്കുന്നത്. ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, എല്‍ഇഡി ടെയില്‍ ലാമ്ബ്, ഡിആര്‍എല്ലുകള്‍ എന്നിവയില്‍ കാര്യമായ മാറ്റമൊന്നും കമ്പനി വരുത്തിയിട്ടില്ല. 198സിസി സിങ്കിള്‍ സിലിണ്ടര്‍ ഓയില്‍ കൂള്‍ഡ് എന്‍ജിനാണ് കാര്‍ബുറേറ്റഡ് അപ്പാച്ചെ ആര്‍ടിആര്‍ 200 4 വിക്ക് കരുത്ത് നൽകുന്നത് . 20.3 പിഎസ് കരുത്തും 18.1 എന്‍എം ടോര്‍ക്കുമാണ് ഈ എന്‍ജിൻ ഉത്പാദിപ്പിക്കുന്നത്.
മുന്നില്‍ ടെലസ്കോപ്കിക് ഫോര്‍ക്കുകളും പിന്നില്‍ മോണോഷോക്കുമാണ് സസ്പെന്‍ഷന്‍ ചുമതല നിര്‍വഹിക്കുന്നത്. അതുപോലെ മുന്നില്‍ 270mm പെറ്റല്‍ ഡിസ്ക് പിന്നില്‍ 240mm പെറ്റല്‍ ഡിസ്കുമാണ് ബ്രേക്കിങ്ങിന് നൽകിയിരിക്കുന്നത്.
