പരിഷ്കരിച്ച അപ്പാച്ചെ RR310 സ്പോര്ട്സ് ബൈക്ക് വിപണിയില് പുറത്തിറക്കി ടിവിഎസ്. സ്ലിപ്പര് ക്ലച്ചും ആറ് സ്പീഡ് മാനുവല് ഗിയര്ബോക്സുമാണ് പുതിയ അപ്പാച്ചെ RR310 -ന് പ്രധാനമായും വന്നിരിക്കുന്ന മാറ്റം. ദില്ലി എക്സ്ഷോറൂം കണക്കുകള് പ്രകാരം 2.27 ലക്ഷം രൂപയാണ് പരിഷ്കരിച്ച അപ്പാച്ചെ RR310 -ന് വില.
നിലവിലെ 313 സിസി ഒറ്റ സിലിണ്ടര് നാല് സ്ട്രോക്ക് എഞ്ചിന് തന്നെ പുതിയ അപ്പാച്ചെ RR310 -ലും കമ്പനി തുടരും. നിലവില് ലഭ്യമായ റേസിംഗ് റെഡ്, മാറ്റ് ബ്ലാക്ക് എന്നീ നിറപ്പതിപ്പുകള് കൂടാതെ ഗ്ലോസ്സ് ബ്ലാക്ക് എന്ന പുതിയൊരു നിറപ്പതിപ്പ് കൂടി പുതിയ അപ്പാച്ചെ RR310 -ല് കമ്പനി അവതരിപ്പിച്ചിട്ടുണ്ട്.
ലിക്വിഡ് കൂളിംഗ്, ഫ്യുവല് ഇഞ്ചക്ഷന് എന്നീ സംവിധാനങ്ങളും എഞ്ചിനിലുണ്ട്. 34 bhp കരുത്തും 28 Nm torque ഉം ആയിരിക്കും എഞ്ചിന് പരമാവധി കുറിക്കുക. മുന്നില് അപ്പ് സൈഡ് ഡൗണ് ഫോര്ക്കുകളും പുറകില് മോണോഷോക്ക് അബ്സോര്ബറും സസ്പെന്ഷന് നിറവേറ്റും.