കൊച്ചി: ടിവി തലയില്‍ വീണ് പിഞ്ചുകുഞ്ഞിന് ദാരുണാന്ത്യം. കോതമംഗലം നെല്ലിക്കുഴി കാമ്പാക്കുടി ഷെഫിന്‍സിന്റെ 11 മാസം പ്രായമുള്ള ആണ്‍കുട്ടിയാണ് മരിച്ചത്.
പിച്ചവെച്ച് തുടങ്ങിയ കുഞ്ഞ് ടിവി സ്റ്റാന്‍ഡില്‍ പിടിച്ചുകുലുക്കി കളിച്ചുകൊണ്ടിരിക്കെ, സ്റ്റാന്‍ഡ് ചെരിഞ്ഞ് ടിവി കുട്ടിയുടെ ദേഹത്തേക്ക് വീഴുകയായിരുന്നു.
തലയ്ക്ക് ഗുരുതരമായി പരിക്കേറ്റ കുട്ടിയെ ആലുവയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. മൂന്നുദിവസമായി വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്. ശനിയാഴ്ച വൈകീട്ടോടെ കുഞ്ഞ് മരിച്ചു.
