ഇന്തോനേഷ്യയില്‍ നാശം വിതച്ച്‌ വീണ്ടും സുനാമി; 43 മരണം

ജക്കാര്‍ത്ത: ഇന്തോനേഷ്യന്‍ തീരത്ത് സുനാമി നാശം വിതയ്ക്കുന്നു. 43 പേര്‍ മരിച്ചതായാണ് റിപ്പോര്‍ട്ട്. അറുന്നൂറിലേറെ പേര്‍ക്ക് പരിക്കേറ്റു. നിരവധിയാളുകളെ കാണാതായിട്ടുണ്ട്.

ഇന്തോനേഷ്യയിലെ സുന്ദാ സ്‌ട്രെയിറ്റ് പ്രവിശ്യയില്‍ ശനിയാഴ്ച പ്രദേശിക സമയം രാത്രി 9.30 ഓടെ സുനാമിത്തിരകള്‍ എത്തിയത്.

നൂറു കണക്കിന് കെട്ടിടങ്ങള്‍ നശിച്ചതുള്‍പ്പെടെ വ്യാപക നാശനഷ്ടമാണ് ഉണ്ടായിരിക്കുന്നത്. കടലിനടിയില്‍ ഉണ്ടായ അഗ്‌നിപര്‍വ്വത സ്‌ഫോടനത്തെ തുടര്‍ന്നുണ്ടായ മണ്ണിടിച്ചിലാണ് സുനാമിക്ക് കാരണമായതെന്നാണ് വിവരം. 65 അടിയോളം ഉയരത്തിലാണ് തിരയടിച്ചത്. ജാവയിലെ പാന്‍ഡെഗ്ലാംഗിലാണ് സുനാമി ഏറ്റവും കൂടുതല്‍ നാശം വിതച്ചത്.

Top