ട്രോണക്‌സ് മോട്ടോര്‍സ് എന്നറിയപ്പെടുന്ന വോള്‍ട്ടാ മോട്ടോര്‍സിന്റെ ഇ-സ്‌കൂട്ടര്‍ ട്രോണക്‌സ് വണ്‍ ഇന്ത്യയില്‍ എത്തുന്നു. മാഗ്മ റെഡ്, പസഫിക് ബ്ലു എന്നീ രണ്ടു നിറങ്ങളില്‍ ഇറങ്ങിയിരിക്കുന്ന ഇ-സ്‌കൂട്ടറിന്റെ വില 49,999 രൂപയാണ്. മുന്‍കൂട്ടി ഇ-സ്‌കൂട്ടറുകള്‍ ബുക്ക് ചെയ്ത ഉപഭോക്താക്കള്‍ക്ക് ജൂലൈ 16 നു ശേഷം വാഹനം കിട്ടുമെന്ന് കമ്പനി അറിയിച്ചു.
ആര്‍ക്കും ഓടിക്കാവുന്ന തരത്തിലാണ് വാഹനം ഒരുക്കിയിരിക്കുന്നത്. ഉപഭോക്താക്കളുടെ സ്മാര്‍ട്‌ഫോണുമായി കണക്ട് ചെയ്യാന്‍ തരത്തിലുള്ള ഫീച്ചറുകളാണ് ട്രോണക്‌സ് വണ്ണിലുള്ളത്. എയര്‍ക്രാഫ്റ്റ് നിര്‍മാണത്തിനുപയോഗിക്കുന്ന വസ്തുക്കള്‍ ഉപയോഗിച്ചാണ് ട്രോണക്‌സ് വണ്‍ ന്റെ നിര്‍മാണം.
വളരെ ഭാരം കുറഞ്ഞ മോഡല്‍ ഇ-ബൈക്കുകളാണിവ. 36V 13.6Ah ലിഥിയം 500W ബാറ്ററിയാണ് വാഹനത്തില്‍ ഉപയോഗിച്ചിട്ടുള്ളത്. ബൈക്കിലെ ചാര്‍ജില്‍ 50 കിമി നിരക്ക് ചാര്‍ജ് ചെയ്യുമെന്നും ഇലക്ട്രോണിക് ഗിയര്‍ അസിസ്ഡ് മോഡില്‍ 70-85 കിലോമീറ്ററുകളാണെന്നും കമ്പനി അവകാശപ്പെടുന്നു.
മുംബൈ, ഗോവ, പൂനെ, അഹമദാബാദ്, ഡല്‍ഹി, ഛണ്ഡീഗര്‍ഹ്, ചെന്നൈ, ബാംഗ്ലൂര്‍, ഹൈദരാബാദ് എന്നീ 9 നഗരങ്ങളിലാണ് ഇ ബൈക്ക് ലഭ്യമാവുക. ഹീറോയുടെ OZONE 650B’ 7S, ഇ സൈക്കിള്‍ BH27, BH12 എന്നിവയായിരിക്കും ട്രോണക്‌സ് വണ്‍ ന്റെ പ്രധാന എതിരാളികള്‍.
