കോട്ടയം: സിപിഎമ്മിന്റെ കൊടിതോരണങ്ങൾ നശിപ്പിച്ച സംഭവത്തിൽ കോട്ടയം ഡിസിസി അധ്യക്ഷൻ നാട്ടകം സുരേഷിനെതിരെ കേസ്. സിപിഎം ജില്ലാ സമ്മേളനവുമായി ബന്ധപ്പെട്ട കൊടിതോരണങ്ങൾ നശിപ്പിച്ചുവെന്ന പ്രാദേശിക നേതാക്കളുടെ പരാതിയുടെ അടിസ്ഥാനത്തിൽ ചിങ്ങവനം പോലീസാണ് കേസെടുത്തത്.
മൂലേടം ദിവാൻ കവലയിൽ സ്ഥാപിച്ച കൊടി തോരണങ്ങൾ ആണ് നശിപ്പിച്ചത്. കേസിൽ യൂത്ത് കോൺഗ്രസ് നേതാവ് രാഹുൽ മറിയപ്പള്ളിയെ നേരത്തെ അറസ്റ്റ് ചെയ്ത് ജാമ്യത്തിൽ വിട്ടിരുന്നു.
അതേസമയം, ദിവാൻ കവലയിലെ ഇന്ദിരാ ഗാന്ധി രക്തസാക്ഷി മണ്ഡപത്തിന് മുന്നിൽ സ്ഥാപിച്ച കൊടി തോരണങ്ങൾ എടുത്ത് മാറ്റുക മാത്രമാണ് ചെയ്തതെന്ന് നാട്ടകം സുരേഷ് പ്രതികരിച്ചു.