സുരേഷ് ഗോപിയും മകന് ഗോകുല് സുരേഷും ആദ്യമായി ഒന്നിക്കുന്ന ചിത്രമാണ് ‘പാപ്പന്. നീണ്ട ഇടവേളക്ക് ശേഷം സംവിധായകന് ജോഷിയും സുരേഷ് ഗോപിയും ഒന്നിക്കുന്നു എന്നതാണ് ചിത്രത്തിന്റെ മറ്റൊരു സവിശേഷത. സുരേഷ് ഗോപിക്കൊപ്പം അഭിനയിച്ചപ്പോഴുണ്ടായ അനുഭവം പങ്കുവെച്ചിരിക്കുകയാണ് ഗോകുല് സുരേഷ്. അച്ഛനോടൊപ്പം ആദ്യമായി അഭിനയിച്ചപ്പോള് വിറയലും ടെന്ഷനുമുണ്ടായിരുന്നു എന്ന് ഗോകുല് പറഞ്ഞു. അച്ഛനൊപ്പം ആഗ്രഹിക്കുകയെന്ന വലിയ സ്വപ്നമാണ് പാപ്പനിലൂടെ യാഥാര്ത്ഥ്യമായത്. ഫാന് ബോയ് നിമിഷങ്ങളാണ് പാപ്പന് തനിയ്ക്ക് സമ്മാനിച്ചതെന്നും ഗോകുല് പറഞ്ഞു.
സെറ്റില് താരപുത്രന്റെ പ്രിവിലേജ് ഉപയോഗിച്ചിട്ടില്ലെന്ന് ഗോകുല് വ്യക്തമാക്കി. അച്ഛന് വരുന്നതിന് മുന്പ് തന്നെ മേക്കപ്പിട്ട് ഇരിക്കുമായിരുന്നു. അച്ഛനോ മറ്റുള്ളവരോ താന് സിനിമയില് വരുമെന്ന് ഒരിക്കലും പ്രതീക്ഷിച്ചിരുന്നില്ലെന്നാണ് ഗോകുല് സുരേഷ് പറയുന്നത്. അമ്മ അസോസിയേഷനുമായി അച്ഛന് അകന്നതോടെ അവാര്ഡ് നിശകള്ക്കൊന്നും പോകാറുണ്ടായിരുന്നില്ല. പല താരങ്ങലെയും നേരില് കണ്ടത് അഭിനയ ജീവിതം തുടങ്ങിയതിന് ശേഷമാണെന്നും ഗോകുല് പറഞ്ഞു.
പാപ്പനില് സുരേഷ് ഗോപിയുടെ മകനായാണോ അഭിനയിക്കുന്നത് എന്ന ചോദ്യത്തോട് അതൊരു സസ്പെന്സായി ഇരിക്കട്ടെയെന്നായിരുന്നു ഗോകുലിന്റെ പ്രതികരണം. ഗോകുല് സുരേഷ് അവതരിപ്പിക്കുന്ന മൈക്കിള് എന്ന കഥാപാത്രത്തിന്റെ ക്യാരക്ടര് പോസ്റ്റര് അടുത്തിടെ പുറത്തുവന്നിരുന്നു.