കരവത്തി: രാജ്യദ്രോഹ കേസില് ചലച്ചിത്ര പ്രവര്ത്തക ഐഷ സുല്ത്താനയെ ലക്ഷദ്വീപ് പോലീസ് ഇന്ന് വീണ്ടും ചോദ്യം ചെയ്യും. കവരത്തി പോലീസ് സ്റ്റേഷനില് രാവിലെ 10.30ന് ഹാജരാകാനാണ് നോട്ടീസ് നല്കിയത്. മുന്കൂര് ജാമ്യം തേടിയ ആയിഷയോട് ചോദ്യം ചെയ്യലിന് ഹാജരാകാന് ഹൈക്കോടതി നിര്ദേശം നല്കിയിരുന്നു.
ഇതനുസരിച്ച് കഴിഞ്ഞ ദിവസമാണ് ഐഷ സുല്ത്താനയെ ചോദ്യം ചെയ്ത് വിട്ടയച്ചത്. മൂന്നരമണിക്കൂര് നേരമാണ് കവരത്തിയില് വെച്ച് അന്വേഷണ സംഘം മൊഴിയെടുത്തത്. വൈകിട്ട് നാല് മണിയോടെയാണ് കവരത്തിയിലെ പൊലീസ് ഹെഡ് ക്വാര്ട്ടേഴ്സില് അഭിഭാഷകനൊപ്പം ഐഷ സുല്ത്താന ഹാജരായത്. പൊലീസ് അറസ്റ്റ് രേഖപ്പെടുത്തിയാല് ജാമ്യത്തില് വിട്ടയക്കണമെന്ന് കോടതി നിര്ദേശിച്ചിട്ടുണ്ട്.
ചാനല് ചര്ച്ചയില് ബയോ വെപ്പണ് പരാമര്ശം നടത്തിയതിന്റെ പേരില് ബി.ജെ.പി ലക്ഷദ്വീപ് ഘടകം പ്രസിഡന്റ് സി.അബ്ദുല് ഖാദര് ഹാജിയാണ് ആയിഷയ്ക്കെതിരെ കവരത്തി പൊലീസില് പരാതി നല്കിയത്.