പത്തനംതിട്ട: ശബരിമലയില് പോകുന്ന വാഹനങ്ങള്ക്ക് പൊലീസ് പാസ് നിര്ബന്ധമാക്കി. വാഹനം പുറപ്പെടുന്ന സ്ഥലത്തെ സ്റ്റേഷനില് നിന്നാണ് പാസ് വാങ്ങേണ്ടത്.
എല്ലാ സ്റ്റേഷനുകളില് നിന്നും പാസ് സൗജന്യമായി നല്കുന്നതാണ്. പാസില്ലാത്ത വാഹനങ്ങള്ക്ക് പാര്ക്കിംഗ് അനുവദിക്കില്ലെന്നാണ് പൊലീസ് അറിയിച്ചിരിക്കുന്നത്.
അതേസമയം, ശബരിമലയില് എല്ലാ പ്രായത്തിലുമുള്ള സ്ത്രീകള്ക്ക് പ്രവേശനം അനുവദിച്ച വിധിയുമായി ബന്ധപ്പെട്ട് തിരുവിതാംകൂര് ദേവസ്വം ബോര്ഡിനു വേണ്ടി സുപ്രീം കോടതിയിലെ മുതിര്ന്ന അഭിഭാഷകനായ ആര്യാമ സുന്ദരം ഹാജരാകുമെന്നാണ് പ്രസിഡന്റ് എ. പത്മകുമാര് അറിയിച്ചത്.