ടൊയോട്ടയുടെ ആഡംബര ബ്രാന്റ് ലെക്സസ് ഇന്ത്യന് വിപണിയെലക്ഷ്യമാക്കി അവതരിപ്പിക്കുന്നു. ഇതിനിടെ ഒരു സ്വകാര്യ ചടങ്ങളില് വച്ച് കമ്പനി ഇന്ത്യയിലുള്ള വാഹനത്തിന്റെ ഔദ്യോഗിക പ്രകാശനവും നടത്തിയിരുന്നു.
ആര്എക്സ്450എച്ച് എന്നപേരില് അരങ്ങേറ്റം കുറിക്കുന്ന ലെക്സസില് നിന്നുള്ള ഈ ഹൈബ്രിഡ് എസ്യുവി മാര്ച്ചോടുകൂടി വിപണിയിലവതരിക്കുന്നതായിരിക്കും. അതോടൊപ്പം ലെക്സസിന്റെ പുതിയൊരു ഷോറൂമും മുംബൈയില് ആരംഭിക്കുന്നതിനുള്ള തയ്യാറെടുപ്പിലാണ് ടൊയോട്ട.
ലെക്സസ് എന്ഫോം ഇന്ഫോടെയിന്മെന്റ് സിസ്റ്റം, 12.3ഇഞ്ച് മള്ട്ടിമീഡിയ ഡിസ്പ്ലെ, മാര്ക് ലെവെന്സണ് ഓഡിയോ സിസ്റ്റം, ഹെഡ്സ് അപ് ഡിസ്പ്ലെ എന്നീ ഫീച്ചറുകളാല് ആഡംബരപൂര്ണമാണ് ഈ വാഹനത്തിന്റെ അകത്തളം. പവര് ബൂട്ട് ലിഡ്, ലെക്സസ് സേഫ്റ്റി പ്ലസിന് കീഴില് നല്കിയിട്ടുള്ള മികച്ച സേഫ്റ്റി എന്നീ സവിശേഷതകളും ഈ വാഹനത്തിലുണ്ടായിരിക്കുന്നതാണ്.
ലെക്സസ് സിഗ്നേച്ചര് ഗ്രില്, പുതുമയേറിയ ഹെഡ്ലാമ്പ് എന്നിവയും ഈ ഹൈബ്രിഡ് എസ്യുവിയുടെ സവിശേഷതകളാണ്. 308 ബിഎച്ച്പിയുള്ള 3.5 ലിറ്റര് വി 6 പെട്രോള് എഞ്ചിനാണ് ആര്എക്സ് 450 എച്ചിന് കരുത്തേകുന്നത്. 8 സ്പീഡ് ഓട്ടോമാറ്റിക് ഗിയര്ബോക്സിനൊപ്പം ഹൈബ്രിഡ് സംവിധാനവും ഉള്പ്പെടുത്തിയിട്ടുണ്ട്.
സിബിയു ചാനല് വഴി ഇന്ത്യയിലെത്തുന്ന ഈ വാഹനം ഈ വര്ഷം മാര്ച്ചോടുകൂടി വിപണിപിടിക്കുന്നതായിരിക്കും.