ജാപ്പനീസ് ഇരുചക്ര വാഹന ബ്രാൻഡായ ടൊയോട്ട കിർലോസ്‌കർ മോട്ടോർ, മാരുതി സുസുക്കി എർട്ടിഗയുടെ റീ-ബാഡ്‍ജ് ചെയ്ത പതിപ്പായ റൂമിയോണുമായി കോംപാക്റ്റ് എംപിവി സെഗ്‌മെന്റിലേക്ക് പ്രവേശിക്കാൻ ഒരുങ്ങുകയാണ്. അതിന്റെ എല്ലാ വേരിയന്റ് വിശദാംശങ്ങളും സവിശേഷതകളും കമ്പനി ഇതിനകം വെളിപ്പെടുത്തിയിട്ടുണ്ട്. ഒരുപക്ഷേ 2023 സെപ്‌റ്റംബർ ആദ്യവാരം അതിന്റെ വിലകളും കമ്പനി പ്രഖ്യാപിച്ചേക്കും. ടൊയോട്ടയിൽ നിന്നുള്ള നാലാമത്തെ റീ-ബാഡ്‍ജ് ചെയ്ത മാരുതി സുസുക്കി മോഡലാണിത്.
1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എഞ്ചിനും സിഎൻജി ഇന്ധന ഓപ്ഷനുകളുമായാണ് പുതിയ റൂമിയോണ്‍ എംപിവി എത്തുന്നത്. എർട്ടിഗയ്ക്ക് കരുത്തേകുന്ന അതേ പെട്രോൾ മോട്ടോർ 103 ബിഎച്ച്പിയും 137 എൻഎം ടോർക്കും നൽകുന്നു. ഇതിന്റെ സിഎൻജി പതിപ്പ് 88bhp-നും 121.5 എൻഎം ടോര്‍ക്കും സൃഷ്‍ടിക്കും. അഞ്ച് സ്പീഡ് മാനുവൽ, ആറ് സ്പീഡ് ടോർക്ക് കൺവെർട്ടർ ഓട്ടോമാറ്റിക്ക് ആണ് ട്രാൻസ്മിഷൻ. 20.51kmpl (പെട്രോൾ), 26.11kg/km (സിഎൻജി) എന്നിങ്ങനെയാണ് മൈലേജ് കണക്കുകൾ.
ടൊയോട്ട റൂമിയോൺ മോഡൽ ലൈനപ്പ് എസ്, ജി, വി എന്നീ മൂന്ന് വകഭേദങ്ങളിൽ എത്തും. എൻട്രി ലെവൽ എസ് ട്രിം പെട്രോൾ, സിഎൻജി ഇന്ധന ഓപ്ഷനുകളിൽ ലഭിക്കും. അതേസമയം ജി, വി എന്നിവ 1.5 എൽ പെട്രോൾ-മാനുവൽ കോമ്പിനേഷനുമായാണ് വരുന്നത്. തുകൽ പൊതിഞ്ഞ സ്റ്റിയറിംഗ് വീൽ, കീ-ഓപ്പറേറ്റഡ് പിൻവലിക്കാവുന്ന വിംഗ് മിററുകൾ, ഓട്ടോ ഹെഡ്‌ലാമ്പുകൾ, ഫ്രണ്ട് സൈഡ് എയർബാഗുകൾ, ക്രൂയിസ് കൺട്രോൾ, റിയർ പാർക്കിംഗ് ക്യാമറ തുടങ്ങിയ സവിശേഷതകൾക്കൊപ്പം ഓട്ടോമാറ്റിക് ട്രാൻസ്മിഷൻ V ട്രിമ്മിനായി നീക്കിവച്ചിരിക്കുന്നു.
വയർലെസ് സ്മാർട്ട്‌ഫോൺ കണക്റ്റിവിറ്റിയുള്ള ഏഴ് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ടൊയോട്ട കണക്റ്റഡ് കാർ ടെക്, ക്ലൈമറ്റ് കൺട്രോൾ, രണ്ട് ട്വീറ്ററുകൾ, ഡാഷ്‌ബോർഡിലെ തേക്ക് വുഡ് ഫിനിഷ്, ഫ്രണ്ട് ഡോർ ട്രിമ്മുകൾ, ഉയരം ക്രമീകരിക്കാവുന്ന ഫീച്ചറുകള്‍ എന്നിവയാല്‍ ജി ട്രിം സമ്പന്നമാകുന്നു. ഡ്രൈവർ സീറ്റ്, എഞ്ചിൻ പുഷ് സ്റ്റാർട്ട്/സ്റ്റോപ്പ്, ഫാബ്രിക് അപ്ഹോൾസ്റ്ററി, ഡ്യുവൽ-ടോൺ ഫാബ്രിക് അപ്ഹോൾസ്റ്ററി, മുൻ നിരയിൽ സ്റ്റോറേജുള്ള സെൻട്രൽ സ്ലൈഡിംഗ് ആംറെസ്റ്റ്, ഉയരം ക്രമീകരിക്കാവുന്ന ഫ്രണ്ട് സീറ്റ്ബെൽറ്റുകൾ, ഡ്യുവൽ-ടോൺ 15 ഇഞ്ച് അലോയ് വീലുകൾ, ഫ്രണ്ട് ഫോഗ് ലാമ്പുകൾ, പിൻ വാഷർ, വൈപ്പർ, ഡീഫോഗർ തുടങ്ങിയവയും ലഭിക്കും.
ടൊയോട്ട റൂമിയോണിന്റെ എൻട്രി ലെവൽ എസ് ട്രിം, ഡ്യുവൽ ഫ്രണ്ട് എയർബാഗുകൾ, റിയർ പാർക്കിംഗ് സെൻസറുകൾ, സീറ്റ് ബെൽറ്റ് റിമൈൻഡർ, ഹിൽ ഹോൾഡ് അസിസ്റ്റ്, ഇഎസ്‍സി, ഐസോഫിക്സ് ചൈൽഡ് സീറ്റ് മൗണ്ടുകൾ, രണ്ടാം നിരയിൽ മൂന്ന് സ്പീഡ് എസി എന്നിവയുൾപ്പെടെ ചില അടിസ്ഥാന ഫീച്ചറുകളോടെയാണ് വരുന്നത്. ഒന്നും രണ്ടും നിരയിൽ 12V പവർ സോക്കറ്റുകൾ, നാല് സ്‍പീക്കറുകൾ, സ്റ്റിയറിംഗ് മൗണ്ടഡ് കൺട്രോളുകൾ, എല്ലാ വരികളിലും ബോട്ടിൽ ഹോൾഡറുകൾ തുടങ്ങിയവയു ലഭിക്കും. എൻ‌ടിസിംഗ് സിൽവർ, റസ്റ്റിക് ബ്രൗൺ, സ്പങ്കി ബ്ലൂ, ഐക്കണിക് ഗ്രേ, കഫേ വൈറ്റ് എന്നിങ്ങനെ അഞ്ച് കളർ ഓപ്ഷനുകളിലും ഈ എംപിവി വരുന്നു.
