തെരഞ്ഞെടുത്ത മോഡലുകൾക്ക് ഏപ്രിൽ ഒന്നു മുതൽ വില വർധിപ്പിച്ച ടൊയോട്ട കിർലോസ്‌കർ മോട്ടോർ റീബാഡ്‌ജ് കാറുകളായ ഗ്ലാൻസ, അർബൻ ക്രൂയിസർ എന്നിവയുടെ വില ഉയർത്തി. നേരത്തെ ഇന്നോവ ക്രിസ്റ്റ, ഫോർച്യൂണർ, കാമ്രി എന്നിവയുടെ വിലയാണ് 2021 ഏപ്രിൽ ഒന്നു മുതൽ 26,000 മുതൽ 1.18 ലക്ഷം രൂപ വരെ ഉയർത്തിയത്. അക്കാലത്ത് വില വർധനയിൽ ഗ്ലാൻസ, യാരിസ്, വെൽഫയർ, അർബൻ ക്രൂസർ എന്നിവയെ ഉൾപ്പെടുത്തിയിരുന്നില്ല.
ടൊയോട്ട ഇപ്പോള്‍ ഗ്ലാന്‍സ, അര്‍ബന്‍ ക്രൂയിസര്‍ എന്നിവയുടെ വില 33,000 രൂപയോളമാണ് ഉയര്‍ത്തിയിരിക്കുന്നത്. G,V എന്നീ രണ്ട് വേരിയന്റുകളിലാണ് പ്രീമിയം ഹാച്ച്ബാക്ക് വാഗ്ദാനം ചെയ്യുന്നത്. ബലേനോ ആസ്ഥാനമായുള്ള ഗ്ലാൻസ വില നേരത്തെ 7.18 ലക്ഷം രൂപ മുതൽ 9.10 ലക്ഷം രൂപ വരെയായിരുന്നു.
പുതുക്കിയ വില വർധനയെത്തുടർന്ന് മാനുവൽ, ഓട്ടോമാറ്റിക് ഓപ്ഷനുകളുള്ള G വേരിയന്റിന് ഇപ്പോൾ 15,700 രൂപയും ഹൈബ്രിഡ് ഓപ്ഷനുകൾക്ക് ഇപ്പോൾ 33,000 രൂപയുമാണ് വില കൂട്ടിയിരിക്കുന്നത്. അതേസമയം V വേരിയന്റിന്റെ വില 20,000 രൂപയാണ് ഉയർത്തിയിരിക്കുന്നത്
