ഷൂട്ടിങ്ങിനിടെ നടന്‍ ടൊവീനോയ്ക്ക് പൊള്ളലേറ്റത് കഴിഞ്ഞ ദിവസം താരത്തിന്റെ ആരാധകര്‍ക്കിടയില്‍ വലിയ വാര്‍ത്തയായിരുന്നു. ‘എടക്കാട് ബറ്റാലിയന്‍ 06’ എന്ന ചിത്രത്തിന്റെ ചിത്രീകരണത്തിനിടയിലാണ് താരത്തിന് പരിക്കേറ്റത്.
ഇപ്പോഴിതാ വീണ്ടും സാഹസികത നിറഞ്ഞ രംഗങ്ങളില്‍ ഡ്യൂപ്പിനെ ഉപയോഗിക്കാതെ അഭിനയിച്ച് ഞെട്ടിച്ചിരിക്കുകയാണ് ടൊവീനോ തോമസ്. കലങ്ങി മറിഞ്ഞ് ഒഴുകുന്ന പുഴയിലേക്ക് തീ പിടിച്ച വസ്ത്രത്തോടെ ചാടുന്ന താരത്തിന്റെ വീഡിയോ ആണ് ഇപ്പോള്‍ വൈറലായിരിക്കുന്നത്. ചിത്രീകരണം കാണാന്‍ ചെന്ന ആരോ പകര്‍ത്തി ഫേസ്ബുക്കില്‍ പങ്കുവെച്ച വീഡിയോ ആണിത്.
